ദുബായ്: ഐസിസി ടെസ്റ്റ് ബൗളര്‍മാരുടെ റാങ്കിങ്ങില്‍ ഇംഗ്ലണ്ട് പേസര്‍ ജെയിംസ് ആന്‍ഡേഴ്‌സണിനൊപ്പം ഒന്നാം സ്ഥാനം പങ്കിട്ടിരുന്ന ഇന്ത്യന്‍ സ്പിന്നര്‍ ആര്‍. അശ്വിന്‍ ഒറ്റയ്‌ക്ക് ഒന്നാമത്. ഓസ്‌ട്രേലിയയ്‌ക്കെതിരായ പരമ്പരയിലെ മികച്ച പ്രകടനമാണ് പുതിയ റാങ്കിങ്ങില്‍ അശ്വിനെ ഒന്നാമതെത്തിച്ചത്. ആന്‍ഡേഴ്‌സണ്‍ രണ്ടാമത്. ഇന്ത്യന്‍ താരങ്ങളില്‍ ജസ്പ്രീത് ബുംറ ഏഴാമതും രവീന്ദ്ര ജഡേജ ഒമ്പതിലുമുണ്ട്.
അതേസമയം, ബാറ്റര്‍മാരില്‍ വിരാട് കോഹ്‌ലിക്ക് മുന്നേറ്റം. ഏഴ് സ്ഥാനമുയര്‍ന്ന് പതിമൂന്നിലെത്തി. ഓസീസിനെതിരായ അവസാന ടെസ്റ്റിലെ പ്രകടനമാണ് തുണച്ചത്. ഓസ്‌ട്രേലിയയുടെ മാര്‍നസ് ലബുഷെയ്ന്‍ നയിക്കുന്ന പട്ടികയിലെ ആദ്യ പത്തില്‍ രണ്ട് ഇന്ത്യന്‍ താരങ്ങള്‍. ഋഷഭ് പന്ത് ഒമ്പതാമതും രോഹിത് ശര്‍മ്മ പത്താമതും. ഓള്‍റൗണ്ടര്‍മാരില്‍ രവീന്ദ്ര ജഡേജ ഒന്നാമത് തുടരുന്നു. അശ്വിന്‍ രണ്ടാമത്. ഓസ്‌ട്രേലിയയ്‌ക്കെതിരായ പ്രകടനം അക്‌സര്‍ പട്ടേലിനെയും തുണച്ചു. രണ്ട് സ്ഥാനം മെച്ചപ്പെടുത്തി അക്‌സര്‍ നാലാമതെത്തി.
പ്രതികരിക്കാൻ ഇവിടെ എഴുതുക: