കൊഹിമ: നാഗാലാന്‍ഡില്‍ അറുപത് സീറ്റുകളില്‍ 51 സീറ്റുകള്‍ ഉറപ്പിച്ച് ബിജെപി സഖ്യം. എന്‍പിഎഫിന് (നാഗാ പീപ്പിള്‍സ് ഫ്രണ്ട്) എട്ട് സീറ്റുകളും മറ്റുള്ളവര്‍ ഒന്നുമാണ് ഇതുവരെ ലഭിച്ചിരിക്കുന്നത്. ഇതോടെ അഞ്ചാം തവണയും നെഫ്യൂ റിയോ മുഖ്യമന്ത്രിയാകുമെന്ന് ഉറപ്പായി കഴിഞ്ഞു.
സീറ്റ് വിഭജന കരാര്‍ പ്രകാരം എന്‍ഡിപിപി 40 സീറ്റിലും ബിജെപി 20 സീറ്റിലുമാണ് മത്സരിക്കുന്നത്. വോട്ടെടുപ്പിന് മുന്നേ തന്നെ നാഗാലാന്‍ഡില്‍ ഒരു ബിജെപി സ്ഥാനാര്‍ഥി ജയം ഉറപ്പിച്ചിരുന്നു. എതിര്‍ സ്ഥാനാര്‍ഥി സ്ഥാനാര്‍ഥിത്വം പിന്‍വലിച്ചതിനെത്തുടര്‍ന്ന് അകുലുട്ടോ നിയമസഭാ മണ്ഡലത്തില്‍ ബിജെപി സ്ഥാനാര്‍ഥി കഷെറ്റോ കിനിമി വീണ്ടും തിരഞ്ഞെടുക്കപ്പെട്ടിരുന്നു.
2018ല്‍ സംസ്ഥാനത്തെ 60 സീറ്റുകളില്‍ 12ലും വിജയിച്ച ബിജെപി എന്‍ഡിപിപിയുമായി (നാഷണലിസ്റ്റ് ഡെമോക്രാറ്റിക് പ്രോഗ്രസീവ് പാര്‍ട്ടി) സഖ്യത്തിലാണ് മത്സരിക്കുന്നത്. നാലു വനിത സ്ഥാനാര്‍ഥികളാണ് ഇത്തവണ നാഗാലാന്‍ഡില്‍ നിന്നും ജനവിധി തേടുന്നത്.
പ്രതിപക്ഷമായ കോണ്‍ഗ്രസ് 23 സീറ്റിലും നാഗാ പീപ്പിള്‍സ് ഫ്രണ്ടും 22 സീറ്റുകളിലാണ് മത്സരിക്കുന്നത്.
പ്രതികരിക്കാൻ ഇവിടെ എഴുതുക: