കോട്ടയം: പാലായിൽ കാല്‍നട യാത്രക്കാരിയെ ഇടിച്ച്‌ തെറിപ്പിച്ച്‌ കാര്‍ നിര്‍ത്താതെ പോയി. കല്ലറ ആയാംകുടി സ്വദേശിനി സ്നേഹ ഓമനക്കുട്ടനെയാണ് കാര്‍ ഇടിച്ച്‌ തെറിപ്പിച്ചത്. സ്നേഹ നിലത്ത് വീണിട്ടും കാര്‍ നിര്‍ത്താതെ പോവുകയായിരുന്നു. സംഭവത്തിന്റെ സിസിടിവി ദൃശ്യങ്ങള്‍ പുറത്ത് വന്നിട്ടുണ്ട്.
ഇന്നലെ ഉച്ചയ്‌ക്ക് ഒരു മണിയോടെ പാലാ ബൈപ്പാസിലായിരുന്നു അപകടം. മരിയന്‍ ആശുപത്രിക്ക് സമീപം റോഡ് മുറിച്ച്‌ കടക്കുന്നതിനിടെ എതിരെ വന്ന കാര്‍ സ്നേഹയെ ഇടിച്ച്‌ തെറിപ്പിക്കുകയായിരുന്നു. ഇടിയുടെ ആഘാതത്തില്‍ വായുവില്‍ ഉയര്‍ന്ന് കറങ്ങിയ സ്നേഹ താഴെ വീണു. എന്നാല്‍ ഇടിച്ച കാര്‍ നിര്‍ത്താതെ മുന്നോട്ട് പോവുകയായിരുന്നു.
സ്നേഹയുടെ കൈയ്‌ക്ക് പൊട്ടലുണ്ട്. സംഭവത്തില്‍ ഇവര്‍ പരാതി നല്‍കിയെങ്കിലും വാഹനം കണ്ടെത്താന്‍ പോലീസിന് കഴിഞ്ഞിട്ടില്ല.
പ്രതികരിക്കാൻ ഇവിടെ എഴുതുക: