തിരുവനന്തപുരം: ബെവ്കോ ഔട്ട്‌ലെറ്റില്‍ നിന്നും വാങ്ങിയ മദ്യക്കുപ്പിക്കുള്ളില്‍ എട്ടുകാലിയെ കണ്ടെത്തി. തിരുവനന്തപുരം പവര്‍ഹൗസ് റോഡിലെ ബിവറേജസ് ഔട്ട്‌ലെറ്റില്‍ നിന്ന് വാങ്ങിയ മദ്യക്കുപ്പിക്കുള്ളില്‍ ആണ് എട്ടുകാലിയെ കണ്ടെത്തിയത്. വില കൂടിയ ഇനം ബ്രാന്‍ഡായ ബെക്കാര്‍ഡി ലെമണിന്റെ കുപ്പിയില്‍ നിന്നാണ് എട്ടുകാലിയെ കണ്ടെത്തിയത്.
എന്നാല്‍, എട്ടുകാലിയെ കണ്ടതോടെ മദ്യക്കുപ്പി വാങ്ങിയ ആള്‍ തന്നെ തിരികെ ഔട്ട്‌ലെറ്റില്‍ ഏല്‍പ്പിച്ച് മറ്റൊരു ബ്രാന്‍ഡ് വാങ്ങി പോകുകയും ചെയ്‌തെന്ന് ജീവനക്കാര്‍ പറഞ്ഞു. ഇയാള്‍ പരാതി നല്‍കിയതായാണ് റിപ്പോര്‍ട്ട്. അതേസമയം, ഈ ബാച്ചില്‍ ഉള്‍പ്പെട്ട മറ്റ് മദ്യക്കുപ്പികള്‍ വില്‍പന നടത്തുന്നതായും ആരോപണം ഉയര്‍ന്നിട്ടുണ്ട്.
പ്രതികരിക്കാൻ ഇവിടെ എഴുതുക: