അഹമ്മദാബാദ്: മഹാരാഷ്‌ട്രയുടെ ഓപ്പണര്‍ റുതുരാജ് ഗെയ്ക് വാദ് പുതിയൊരു ബാറ്റിംഗ് താരത്തിന്റെ വരവറിയിച്ചിരിക്കുന്നു. ഒരു ഓവറില്‍ ആറ് സിക്സര്‍ അടിക്കുന്നത് മനസ്സിലാക്കാം. എന്നാല്‍ ഏഴ് സിക്സറടിച്ചാലോ?അതായിരുന്നു തിങ്കളാഴ്ച ഉത്തര്‍പ്രദേശിനെതിരെ ബാറ്റ് ചെയ്ത മഹാരാഷ്‌ട്രയുടെ ഓപ്പണറായ റുതുരാജ് ചെയ്തത്.
റുതുരാജ് ഗെയ്ക് വാദിന്റെ വെടിക്കെട്ടിന്റെ വീഡിയോ കാണാം:
വിജയ് ഹസാരെ ട്രോഫിക്കുവേണ്ടിയുള്ള മത്സരത്തില്‍ നരേന്ദ്ര മോദി സ്റ്റേഡിയം ബി ഗ്രൗണ്ടിലായിരുന്നു റുതുരാജിന്റെ വെടിക്കെട്ട്. ആദ്യത്തെ അഞ്ച് പന്തുകളും സിക്സറിലേക്ക് പായിച്ചു. ആറാമത്തെ ബോള്‍ നോ ബോളായി. പിന്നീടുള്ള രണ്ട് പന്തുകളും വീണ്ടും സിക്സറിലേക്ക്. അതോടെ നോബോളിനുള്ള ഒരു റണ്‍സടക്കം 43 റണ്‍സ്.
ഈ ക്വാര്‍ട്ടര്‍ ഫൈനല്‍ മത്സരത്തില്‍ റുതുരാജ് 159 പന്തുകളില്‍ 220 റണ്‍സെടുത്ത് പുറത്താകാതെ നിന്നു. എങ്കിലും ഒരു ഓവറില്‍ എട്ട് സിക്സറുകള്‍ പായിച്ച് 48 റണ്‍സ് അടിച്ചെടുത്ത ന്യൂസിലാന്‍റിന്റെ ലി ജെര്‍മെന്റെ പേരിലാണ് ഇപ്പോഴും റെക്കോഡ്.
പ്രതികരിക്കാൻ ഇവിടെ എഴുതുക: