തിരുവനന്തപുരം: കുവൈറ്റിലെ ജസീറ എയര്‍വേയ്‌സ് തിരുവനന്തപുരം രാജ്യാന്തര വിമാനത്താവളത്തില്‍ നിന്ന് സര്‍വീസ് തുടങ്ങുന്നു. ഒക്ടോബര്‍ 30ന് തുടങ്ങുന്ന സര്‍വീസ് ആദ്യ ഘട്ടത്തില്‍ ആഴ്ചയില്‍ 2 ദിവസമായിരിക്കും. ആഴ്ചയില്‍ 3 ദിവസം സര്‍വീസ് ഇതേ സെക്ടറില്‍ സര്‍വീസ് നടത്തുന്ന കുവൈറ്റ് എയര്‍വേയ്‌സിനു പുറമെയാണ് ജസീറയുടെ സര്‍വീസ്.
തിരുവനന്തപുരത്തു നിന്ന് തിങ്കള്‍ ബുധന്‍ ദിവസങ്ങളില്‍ രാവിലെ 2.50 നു പുറപ്പെട്ട് 5.55 ന് കുവൈറ്റിലെത്തും. കുവൈറ്റില്‍ നിന്ന് വൈകിട്ട് 6. 25 ന് പുറപ്പെടുന്ന വിമാനം പുലര്‍ച്ചെ 2.05 ന് തിരുവനന്തപുരത്തെത്തും. 160 പേര്‍ക്കു യാത്ര ചെയ്യാവുന്ന എ 320 വിമാനമാണ് സര്‍വീസിന് ഉപയോഗിക്കുക.
ജസീറയുടെ കേരളത്തിലേയ്‌ക്കുള്ള രണ്ടാമത്തെ സര്‍വീസ് ആണിത്. ബജറ്റ് എയര്‍ലൈന്‍ ആയ ജസീറയുടെ വരവോടെ ദക്ഷിണ കേരളത്തിലെയും തമിഴ് നാട്ടിലെയും യാത്രക്കാര്‍ക്ക് കുറഞ്ഞ ചെലവില്‍ കുവൈറ്റ് യാത്ര നടത്താനാകും. വിമാന സര്‍വീസിനുള്ള ബുക്കിങ് തുടങ്ങി.
പ്രതികരിക്കാൻ ഇവിടെ എഴുതുക: