മുംബൈ: പണ്ട് ശ്രീരാമന്‍ അയോധ്യയില്‍ നിന്നും സീതയെത്തേടി ലങ്കയിലേക്ക് നടന്നതിനേക്കാള്‍ കൂടുതല്‍ ദൂരം രാഹുല്‍ഗാന്ധി പദയാത്രയില്‍ നടന്നുവെന്ന് രാജസ്ഥാന്‍ മന്ത്രി പ്രസാദി ലാല്‍ മീണ. രാമന്‍രെയും രാഹുല്‍ഗാന്ധിയുടെയും പേരുകള്‍ ആര്‍ എന്ന അക്ഷരത്തിലാണ് തുടങ്ങുന്നതെന്നും മഹാരാഷ്ട്ര കോണ്‍ഗ്രസ് അധ്യക്ഷന്‍ നാന പടോളെ കൂട്ടിച്ചേര്‍ത്തു.
ഭാരത് ജോഡോ യാത്ര കോണ്‍ഗ്രസ് നേതാക്കളുടെ തള്ളുകളുടെയും രാഹുല്‍ സ്തുതികളുടെയും കൂടി യാത്രയായി പേരെടുക്കുകയാണ്. കഴിഞ്ഞ ദിവസം നൈജീരിയയിലെ ഒരു ആള്‍ക്കൂട്ടത്തിന്റെ ചിത്രം പങ്കുവെച്ച് കര്‍ണ്ണാടകയിലെ ബെല്ലാരിയില്‍ രാഹുല്‍ഗാന്ധിയുടെ പ്രസംഗം കേള്‍ക്കാന്‍ എത്തിവര്‍ എന്നായിരുന്നു ഒരു കോണ്‍ഗ്രസ് നേതാവിന്റെ ട്വീറ്റ്. ഫാക്ട് ചെക്കില്‍ കള്ളി പൊളിഞ്ഞതോടെ ചിത്രം പിന്‍വലിച്ചു.
“രാഹുല്‍ ഗാന്ധിയുടെ പദയാത്ര ചരിത്രപരമായിരുന്നു. പണ്ട് രാമനും അയോധ്യയില്‍ നിന്നും ശ്രീലങ്കയിലേക്ക് നടന്ന് പോയി. കന്യാകുമാരിയില്‍ നിന്നും കശ്മീര്‍ വരെ നടക്കുമ്പോള്‍ രാഹുല്‍ അതിനേക്കാള്‍ കൂടുതല്‍ ദൂരം നടക്കുകയാണ്.”- ഇതായിരുന്നു രാജസ്ഥാന്‍ മന്ത്രി മീണയുടെ മുഖസ്തുതി.
മഹാരാഷ്ട്ര നേതാവ് നാനാ പടോളെയുടെ മുഖസ്തുതി അതുക്കും മേലെയാണ്. രാഹുല്‍ ഗാന്ധിയുടെയും രാമന്റെയും ആദ്യാക്ഷരങ്ങള്‍ ആര്‍ എന്ന അക്ഷരത്തില്‍ തുടങ്ങുന്നുവെന്നത് വെറും യാദൃച്ഛികമാണെന്നായിരുന്നു കമന്‍റ്.
പ്രതികരിക്കാൻ ഇവിടെ എഴുതുക: