ബ്രിസ്‌ബെയ്ന്‍: ലോകകപ്പ് ടി20 മത്സരങ്ങള്‍ക്ക് മുന്നോടിയായുളള രണ്ടാം സന്നാഹമത്സരത്തില്‍ ഇന്ത്യയ്‌ക്ക് ആറ് റണ്‍സിന്റെ ആവേശകരമായ വിജയം. അവസാന ഓവറില്‍ 11 റണ്‍സ് വിജയിക്കാന്‍ വേണ്ടിയിരുന്ന ഓസ്‌ട്രേലിയയ്‌ക്ക് ഷമിയുടെ മിന്നുന്ന ബൗളിങ് പ്രകടനത്തിനു മുന്നില്‍ പിടിച്ചു നില്‍ക്കാനായില്ല. ആദ്യ രണ്ട് പന്തുകളില്‍ കമ്മിന്‍സ് രണ്ട് വീതം റണ്‍സ് നേടിയെങ്കിലും തുടര്‍ന്നുളള നാല് പന്തുകളില്‍ അവശേഷിച്ച നാല് ബാറ്റര്‍മാരും പുറത്തായതോടെ ഓസ്‌ട്രേലിയ 180ന് ഓള്‍ ഔട്ടായി. മൂന്നു വിക്കറ്റുകള്‍ സ്വന്തമാക്കിയ ഷമി ഒരു റണ്‍ഔട്ടിലും പങ്കാളിയായി. ഇതോടെത, ഇന്ത്യ ആറു റണ്‍സിനു വിജയിക്കുകയായിരുന്നു. ഓസ്‌ട്രേലിയയുടെ ആദ്യ നാല് ബാറ്റര്‍മാര്‍ക്കേ രണ്ടക്കം കാണാനായുളളു. നായകന്‍ ആരോണ്‍ ഫിഞ്ച് 54 പന്തില്‍ 76 റണ്‍സ് നേടി. ഓപ്പണര്‍ മിച്ച് മാര്‍ഷ് 18 പന്തുകളില്‍ 35 റണ്‍സ് നേടി.
നേരത്തെ ആദ്യം ബാറ്റ് ചെയ് ഇന്ത്യ 20 ഓവറില്‍ ഏഴ് വിക്കറ്റ് നഷ്ടത്തില്‍ 186 റണ്‍സ് നേടി. കെ എല്‍ രാഹുല്‍ 33 പന്തില്‍ 57 റണ്‍സ് നേടി. സൂര്യകുമാര്‍ യാദവ് 33 പന്തില്‍ 50 റണ്‍സ് നേടി. ഓസ്‌ട്രേലിയയ്‌ക്കായി കെയ്ന്‍ റിച്ചാര്‍ഡ്‌സണ്‍ നാലോവറില്‍ 30 റണ്‍സ് വഴങ്ങി നാല് വിക്കറ്റ് വീഴ്‌ത്തി. ഇന്ത്യക്കായി ഭുവനേശ്വര്‍ കുമാര്‍ മൂന്നോവറില്‍ 20 റണ്‍സ് വഴങ്ങി രണ്ട് വിക്കറ്റ് നേടി.
പ്രതികരിക്കാൻ ഇവിടെ എഴുതുക: