പാലക്കാട്: അശോക് ഗെഹ്ലോട്ട് കോണ്‍ഗ്രസ് അധ്യക്ഷസ്ഥാനത്തേക്ക് മത്സരിക്കുമോ? സച്ചിന്‍ പൈലറ്റ് രാജസ്ഥാന്‍ മുഖ്യമന്ത്രിയാക്കാനാകുമോ? തുടങ്ങിയ തലവേദനകളില്‍ കോണ്‍ഗ്രസ് ഹൈക്കമാന്‍റ് നട്ടം തിരിയുമ്പോള്‍, ഒരു ടെന്‍ഷനുമില്ലാതെ കുട്ടികള്‍ക്കൊപ്പം പന്തുകളിച്ച് രാഹുല്‍ ഗാന്ധി.
ഭാരത് ജോഡോ യാത്രയുടെ ഭാഗമായി പാലക്കാട് എത്തിയപ്പോഴായിരുന്നു രാഹുലിന്റെ കുട്ടികള്‍ക്കൊപ്പമുള്ള ഈ പന്തുകളി. ഇതിന്റെ വീഡിയോ കോണ്‍ഗ്രസ് തന്നെ ട്വിറ്ററില്‍ പങ്കുവെച്ചിരുന്നു. ഈ വിഡിയോക്കൊപ്പമുള്ള കുറിപ്പ് ഇങ്ങിനെ പോകുന്നു:”ഈ കുട്ടികളുടെ ഭാവി നമ്മള്‍ വളര്‍ത്തേണ്ടതുണ്ട്. ഇതിന് എല്ലാ വിഷമതകളോടും യുദ്ധം ചെയ്യണം”.
40 സെക്കന്‍റുള്ള വീഡിയോയില്‍ കുട്ടികള്‍ പര്‍പ്പിള്‍ ടീ ഷര്‍ട്ടും വെള്ള ട്രൗസറും അണിഞ്ഞാണ് പാലക്കാട്ടെ തെരുവില്‍ രാഹുല്‍ ഗാന്ധിയോടൊപ്പം പന്തുകളിക്കുന്നത്. രാഹുല്‍ഗാന്ധി ഒരു കുട്ടിയുടെ കയ്യില്‍ നിന്നും പന്തു വാങ്ങി മറ്റൊരു കുട്ടിക്ക് എറിഞ്ഞുകൊടുക്കുമ്പോള്‍ ആള്‍ക്കൂട്ടത്തില്‍ നിന്നും വലിയ ആരവം ഉയര്‍ന്നു. ഒക്ടോബര്‍ ഒന്നിന് കര്‍ണ്ണാടകത്തിലേക്ക് കടക്കുംവരെ ഭാരത് ജോഡോ യാത്ര കേരളത്തില്‍ തന്നെയാണ്.
പ്രതികരിക്കാൻ ഇവിടെ എഴുതുക: