ബെംഗളൂരു: കോണ്‍ഗ്രസ് നേതാവ് രാഹുല്‍ ഗാന്ധിയുടെ സന്ദര്‍ശനം ബിജെപിക്ക് ഗുണം ചെയ്യുമെന്ന് മുഖ്യമന്ത്രി ബസവരാജ് ബൊമ്മൈ. രാഹുല്‍ ഗാന്ധിയുടെ കര്‍ണാടക ഭാരത് ജോഡോ യാത്രയ്‌ക്ക് മുന്നോടിയായി സംസാരിക്കുകയായിരുന്നു ബൊമ്മൈ. നാദഹബ്ബ മൈസൂരു ദസറ ഉദ്ഘാടനം ചെയ്യാനാണ് മുഖ്യമന്ത്രി മൈസൂരിലെത്തിയത്.
രാഹുല്‍ ഗാന്ധിയുടെ സന്ദര്‍ശനം സംസ്ഥാന ബിജെപിക്ക് ഗുണം ചെയ്യും. ഇതുവരെ കോണ്‍ഗ്രസ്സിന് വേണ്ടി രാഹുല്‍ പ്രചാരണം നടത്തിയ സംസ്ഥാനങ്ങളിലെ നിയമസഭാ തിരഞ്ഞെടുപ്പില്‍ ബിജെപിയാണ് വിജയിച്ചതെന്ന് ബൊമ്മൈ പറഞ്ഞു. കോണ്‍ഗ്രസ് നേതാവ് രാഹുല്‍ ഗാന്ധി രാജ്യത്തുടനീളം നടത്തുന്ന ഭാരത് ജോഡോ യാത്ര സെപ്റ്റംബര്‍ 30 ന് ചാമരാജനഗര്‍ ജില്ലയിലെ ഗുണ്ട്ലുപേട്ടില്‍ സംസ്ഥാനത്ത് പ്രവേശിക്കും.
പ്രതികരിക്കാൻ ഇവിടെ എഴുതുക: