പഴയങ്ങാടി: പറശ്ശിനിക്കടവിലെ ലോഡ്ജില്‍ വെച്ച് പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസിലെ പ്രതിയായ യുവാവിനെ തൂങ്ങിമരിച്ചനിലയില്‍ കണ്ടെത്തി. പോക്‌സോ കേസിലെ പ്രതിയായ മാട്ടൂല്‍ ജസീന്താബില്‍ഡിങ്ങിന് സമീപത്തെ തോട്ടത്തില്‍ ജിതിനെ (33) യാണ് വീട്ടിലെ കിടപ്പ് മുറിയില്‍ തൂങ്ങിമരിച്ചനിലയില്‍ കണ്ടെത്തിയത്.
ഇന്നലെ രാത്രിയിലാണ് സംഭവം. മാട്ടൂലിലെ പരേതനായ ബാലകൃഷ്ണന്‍-തോട്ടത്തില്‍ ഗീത ദമ്പതികളുടെ മകനാണ്. സഹോദരങ്ങള്‍: മിധുന്‍, ശരത്ത്. മാട്ടൂലിലെത്തിച്ച് പെണ്‍കുട്ടിയെ പീഡിപ്പിച്ച കേസില്‍ പോലീസ് അന്വേഷണത്തിനിടെ വിദേശത്തേക്ക് കടന്ന ജിതിനെതിരെ അന്വേഷണസംഘം ലുക്ക് ഔട്ട് നോട്ടീസ് പുറപ്പെടുവിച്ചിരുന്നു.
മാസങ്ങള്‍ക്ക് മുമ്പ് മട്ടന്നൂരിലെ കണ്ണൂര്‍ അന്താരാഷ്‌ട്ര വിമാനത്താവളത്തിലെത്തിയ ഇയാളെ എയര്‍പോര്‍ട്ട് എമിഗ്രേഷന്‍ വിഭാഗം പിടികൂടി പഴയങ്ങാടി പോലീസിന് കൈമാറിയിരുന്നു. അന്ന് പോലീസ് കോടതിയില്‍ ഹാജരാക്കിയ യുവാവിന് ഉപാധികളോടെ ജാമ്യം അനുവദിച്ചിരുന്നു.
പ്രതികരിക്കാൻ ഇവിടെ എഴുതുക: