പട്ന: ‘പാമ്പിപ്പോള്‍ നിങ്ങളുടെ വീട്ടിലാണ്’ ആര്‍ജെഡി നേതാവ് ലാലുപ്രസാദ് യാദവിന് മുന്നറിയിപ്പുമായി കേന്ദ്രമന്ത്രി ഗിരിരാജ് സിങ്. രണ്ടാണ്ട് കൂടുമ്പോള്‍ പടം പൊഴിക്കുന്ന പാമ്പാണ് നിതീഷ് കുമാറെന്ന ലാലുവിന്റെ പഴയ കമന്റ് ഓര്‍മ്മിപ്പിച്ചാണ് കേന്ദ്രമന്ത്രിയുടെ ട്വീറ്റ്. 2017ല്‍ ആര്‍ജെഡി സഖ്യമുപേക്ഷിച്ച് നിതീഷ്‌കുമാര്‍ എന്‍ഡിഎ പാളയത്തിലെത്തിയപ്പോഴാണ് ലാലുപ്രസാദ് യാദവ് പടം പൊഴിക്കുന്ന പാമ്പെന്ന് നിതീഷിനെ വിശേഷിപ്പിച്ചത്.
ബിജെപിയെ ഉപേക്ഷിച്ച് തേജസ്വി യാദവിന്റെ നേതൃത്വത്തിലുള്ള ആര്‍ജെഡിയുമായും മറ്റ് പ്രതിപക്ഷ പാര്‍ട്ടികളുമായും പുതിയ ‘മഹാസഖ്യം’ പ്രഖ്യാപിച്ചതിന് പിന്നാലെയാണ് കേന്ദ്രമന്ത്രി ഗിരിരാജ് സിങ് രംഗത്തുവന്നത്.
അതേസമയം നിതീഷ്‌കുമാര്‍ ജനവിധിയെ വഞ്ചിച്ചുവെന്ന് രവിശങ്കര്‍ പ്രസാദ് ആരോപിച്ചു. നിതീഷിനോട് ഞങ്ങള്‍ക്ക് ഒരു ചോദ്യമുണ്ട്. 2020ലെ തെരഞ്ഞെടുപ്പില്‍ അദ്ദേഹം വിജയിച്ചത് പ്രധാനമന്ത്രി നരേന്ദ്ര മോദിയുടെ നേതൃത്വത്തിലാണ്. നിങ്ങളുടെ 14 പേര്‍ ലോക്സഭയിലേക്ക് പോയത് അങ്ങനെയാണ്. ബിഹാറിന്റെ ജനവിധിയെയാണ് നിങ്ങള്‍ അവഹേളിച്ചത്, അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: