കൊച്ചി : നടിയെ ആക്രമിച്ച കേസില്‍ നടന്‍ ദിലീപിനെതിരെ കൂടുതല്‍ വകുപ്പുകള്‍ ചുമത്തും. തെളിവുകള്‍ നശിപ്പിക്കുകയോ മറച്ചുപിടിക്കാനോ ശ്രമിച്ചെന്നും ആരോപിച്ചാണ് കൂടുതല്‍ വകുപ്പുകള്‍ ചുമത്താന്‍ തീരുമാനിച്ചത്. കേസിന്റെ തുടരന്വേഷണ റിപ്പോര്‍ട്ട് വെള്ളിയാഴ്ച കോടതിയില്‍ സമര്‍പ്പിക്കും.
നടിയെ ആക്രമിച്ചതിന്റെ ദൃശ്യങ്ങള്‍ ദീലിപിലേക്ക് എത്തിയത് ശരത്ത് വഴിയാണ്. ഇതിനെ തുടര്‍ന്നാണ് ശരത്തിനെ പ്രതിയാക്കി കുറ്റപത്രം തയ്യാറക്കിയിരിക്കുന്നത്. പീഡന ദൃശ്യങ്ങള്‍ ശരത്ത് മുഖേന ദിലീപിലേക്ക് എത്തിയെന്ന് എടുത്ത് പ്രതിപാദിക്കുന്നുണ്ട്. ശരത്തിനെ പ്രതി ചേര്‍ത്തുള്ള അധിക കുറ്റപത്രം അങ്കമാലി കോടതിയില്‍ സമര്‍പ്പിക്കുമെന്നും പ്രോസിക്യൂഷന്‍ അറിയിച്ചു.
കേസില്‍ വിചാരണ ഉടന്‍ പുനരാരംഭിക്കണമെന്നും കോടതി നിര്‍ദ്ദേശിച്ചു. കേസ് വെള്ളിയാഴ്ച വീണ്ടും പരിഗണിക്കും. കേസിന്റെ സ്‌പെഷ്യല്‍ പബ്ലിക് പ്രോസിക്യൂട്ടറായി അജകുമാറിനെ സര്‍ക്കാര്‍ കഴിഞ്ഞ ദിവസം നിയമിച്ചിരുന്നു. നടിയെ ആക്രമിച്ച കേസില്‍ നേരത്തെ നിയമിച്ചിരുന്ന രണ്ട് സ്‌പെഷ്യല്‍ പ്രോസിക്യൂട്ടര്‍മാരും രാജിവച്ചിരുന്നു. അതിനു പിന്നാലെ അതിജീവിത മുഖ്യമന്ത്രിയെ നേരിട്ടുകണ്ട് പബ്ലിക്‌പ്രോസിക്യൂട്ടറെ മാറ്റണമെന്ന് ആവശ്യപ്പെടുകയായിരുന്നു.
പ്രതികരിക്കാൻ ഇവിടെ എഴുതുക: