കണ്ണൂര്‍: ജില്ല കോടതി വളപ്പില്‍ ഉഗ്രസ്‌ഫോടനം, ഇന്ന് രാവിലെ 11.30 ഓടെയാണ് സംഭവം നടന്നത്.കോടതിപരിസരം വൃത്തിയാക്കിയതിന് ശേഷം ചപ്പുചവറുകള്‍ തീയിട്ടപ്പോഴാണ് സ്‌ഫോടനം ഉണ്ടായത്.വലിയ ശബ്ദത്തിലായിരുന്നു സ്‌ഫോടനമെങ്കിലും, ബോംബ് സ്‌ഫോടനമല്ലയെന്നാണ് പ്രാഥമിക നിഗമനം.
സ്ഥലത്ത് ഡോഗ് സ്‌ക്വാഡ് എത്തി പരിശോധന നടത്തി.ബോംബ് പൊട്ടുമ്പോഴുളള മണമോ, അവശിഷ്ടങ്ങളോ ശ്രദ്ധയില്‍പ്പെട്ടിട്ടില്ലെന്ന് പോലീസ് പറഞ്ഞു.ആറ് കോടതികള്‍ പ്രവര്‍ത്തിക്കുന്ന വളപ്പാണിത് .ഇത് ആശങ്കയ്‌ക്ക് ഇടയാക്കി.പഴയട്യൂബ് ലൈറ്റുകള്‍ പൊട്ടിത്തെറിച്ചതാണോയെന്നും പരിശോധിക്കുന്നുണ്ട്.സംഭവത്തില്‍ ആര്‍ക്കും പരിക്കില്ല.
പ്രതികരിക്കാൻ ഇവിടെ എഴുതുക: