വരിക്കാശേരി മനയില്‍ ആനയുടെ അടിയേറ്റ് പാപ്പാന്‍ മരിച്ചു; ആനയുടെ ആക്രമണം ചികിത്സയുടെ ഭാഗമായി മരുന്ന് നൽകുന്നതിനിടെ

പാലക്കാട്: ഒറ്റപ്പാലം വരിക്കാശേരി മനയില്‍ ആനയുടെ അടിയേറ്റ് പാപ്പാന്‍ മരിച്ചു. പത്തിരിപ്പാല സ്വദേശിയും ആനയുടെ ഒന്നാം പാപ്പാനുമായ വിനോദ് (30)​ ആണ് മരിച്ചത്. രാവിലെ എട്ടര മണിയോടെയായിരുന്നു സംഭവം.

മൂത്തുകുന്നം പത്മനാഭന്‍ എന്ന ആനയാണ് മരുന്ന് കൊടുക്കുന്നതിനിടെ പാപ്പാനെ കൊമ്പുകൊണ്ട് അടിച്ചു തെറിപ്പിച്ചത്. മൃതദേഹം കണ്ണിയംപുറത്തെ സ്വകാര്യ ആശുപത്രിയിലേക്ക് മാറ്റിയിട്ടുണ്ട്.  ചികിത്സയിലുള്ള ആനയാണ് പാപ്പാനെ മര്‍ദ്ദിച്ചത്.