മുംബൈ: തലയ്ക്കും കൂട്ടര്ക്കും ഇതെന്തുപറ്റി, ഐപിഎല്ലില് ഈ സസീണില് തൊട്ടതെല്ലാം പിഴക്കുകയാണ് ചെന്നൈക്ക്. ആരാധക പിന്തുണകൊണ്ടും താരനിരകൊണ്ടും ലീഗിലെ പ്രമുഖ ടീമുകളായ മുംബൈയും ചെന്നൈയും ഇത്തവണ പ്ലേഓഫിലെത്തില്ലെന്ന് ഏറെക്കുറെ ഉറപ്പായി. ജഡേജയെ നായക സ്ഥാനത്ത് നിന്ന് മാറ്റി എം.എസ്. ധോണി തിരിച്ചെത്തിയെങ്കിലും വിജയം അകന്നു തന്നെ നില്ക്കുന്നു. പോയിന്റ് പട്ടികയില് ഒമ്പതാം സ്ഥാനത്തുള്ള നിലവിലെ ചാമ്പ്യന്മാരായ ചെന്നൈക്ക് ഇത് തകര്ച്ചയുടെ സീസണായി.
നിലവില് 10 മത്സരങ്ങളില് നിന്ന് ആറ് പോയിന്റാണ് ചെന്നൈക്കുള്ളത്. മൂന്നെണ്ണത്തില് വിജയിച്ചപ്പോള് ഏഴെണ്ണം തോറ്റു. ഇനി ബാക്കിയുള്ളത് നാല് കളികള്. ഇതെല്ലാം വിജയിച്ചാല് കിട്ടുക എട്ട് പോയിന്റ്. അങ്ങനെയെങ്കില് ചെന്നൈയുടെ മുഴുവന് പോയിന്റ് 14 ആകും. ലീഗില് ഒന്നാമതുള്ള ഗുജറാത്തിന് 16 പോയിന്റും ലഖ്നൗവിന് 14 പോയിന്റുമുണ്ട്. രാജസ്ഥാന്, ബെംഗളൂരു ടീമുകള്ക്ക് 12 പോയിന്റ് വീതം. മുന്നിലുള്ളവരെല്ലാം തുടര് തോല്വികളെറ്റുവാങ്ങണം, ചെന്നൈ എല്ലാ കളിയും വിജയിക്കണം. സാധ്യത വിരളമെങ്കിലും കണക്കില് പിടിച്ചുനില്ക്കുന്നു.
Â
പ്രതികരിക്കാൻ ഇവിടെ എഴുതുക: