കൊച്ചി: തീരസംരക്ഷണത്തിന് കരുത്തേകി തീരസംരക്ഷണ സേനയ്ക്ക് കൊച്ചിയില്‍ ആദ്യ ജെട്ടി. വിപുലമായ സൗകര്യങ്ങളുമായി പുതിയ സംവിധാനം പ്രവര്‍ത്തനം തുടങ്ങി. ഇതോടെ സേനയുടെ പ്രവര്‍ത്തനങ്ങള്‍ കൂടുതല്‍ സുഗമമാകുമെന്ന് തീരസംരക്ഷണ സേനാ ഡയറക്ടര്‍ ജനറല്‍ വി.എസ്.പഠാനിയ പറഞ്ഞു.തന്ത്രപ്രധാനമായ കൊച്ചിയുടെ തീരത്ത് ശക്തികൂട്ടുമ്പോഴും കപ്പലുകളും ബോട്ടുകളും ബെര്‍ത്ത് ചെയ്യാന്‍ സ്വന്തമായി സംവിധാനമില്ലാതിരുന്ന തീരസംരക്ഷണ സേന.
കൊച്ചി തീരത്ത് കപ്പലുകളും ബോട്ടുകളും നിര്‍ത്തിയിടാന്‍ തീരസംരക്ഷണ സേനയ്ക്ക് സംവിധാനം ഇല്ലാത്ത സാഹചര്യമാണ് ഉണ്ടായിരുന്നത്. നാവികസേനയുടെയും മറ്റും തുറമുഖങ്ങളെയാണ് ഇവര്‍ ആശ്രയിച്ചിരുന്നത്. തീര സുരക്ഷ വര്‍ദ്ധിപ്പിക്കുന്ന സാഹചര്യത്തിലാണ് മട്ടാഞ്ചേരിയില്‍ കൊച്ചിന്‍ പോര്‍ട്ട് ട്രസ്റ്റ് പുതിയ ജെട്ടി നിര്‍മ്മിച്ചത്.
ഇന്ധനവിതരണം, ക്രെയിന്‍, ശുദ്ധജലം തുടങ്ങിയ സംവിധാനങ്ങളുമുണ്ട്. 2018 ല്‍ തുടങ്ങിയ നിര്‍മ്മാണം കഴിഞ്ഞ മാര്‍ച്ചിലാണ് പൂര്‍ത്തിയാക്കിയത്. മിലിട്ടറി എന്‍ജിനീയറിംദ് സര്‍വ്വീസിനായിരുന്നു നിര്‍മ്മാണ ചുമതല. 220 മീറ്റര്‍ നീളവും 15 മീറ്റര്‍ വീതിയുമുള്ള ജെട്ടിയുടെ ഇരുവശത്തുമായി കപ്പലുകളും ബോട്ടുകളും നിര്‍ത്തിയിടാം.
പ്രതികരിക്കാൻ ഇവിടെ എഴുതുക: