സിബിഐ അഞ്ചാം ഭാഗം ദി ബ്രെയിന്റെ ടീസര്‍ പുറത്തുവന്നതിന് പിന്നാലെ ഏറ്റെടുത്ത് പ്രേക്ഷകര്‍. സൈന മൂവീസിലൂടെ കഴിഞ്ഞ ദിവസമാണ് ടീസര്‍ പുറത്തുവിട്ടത്. മമ്മൂട്ടിയെ കേന്ദ്ര കഥാപാത്രമാക്കി കെ. മധു സംവിധാനം ചെയ്യുന്ന ഈ ചിത്രം ഏപ്രില്‍ 28 ന് തിയേറ്ററിലെത്തും.
മമ്മൂട്ടിക്ക് പുറമെ സായികുമാര്‍, രഞ്ജി പണിക്കര്‍, ദിലീഷ് പോത്തന്‍, സൗബിന്‍ ഷാഹിര്‍, മുകേഷ്, അനൂപ് മേനോന്‍, സന്തോഷ് കീഴാറ്റൂര്‍, സുദേവ് നായര്‍, രമേഷ് പിഷാരടി, ആശാ ശരത്ത് എന്നിവരും ഇതില്‍ സാന്നിധ്യം അറിയിക്കുന്നുണ്ട്.
സ്വര്‍ഗ്ഗചിത്രയുടെ ബാനറില്‍ അപ്പച്ചന്‍ നിര്‍മ്മിക്കുന്ന ഈ ചിത്രത്തിന്റെ തിരക്കഥ എസ്.എന്‍. സ്വാമി എഴുതുന്നു. ഛായാഗ്രഹണം- അഖില്‍ ജോര്‍ജ്ജ്, സംഗീതം- ജേക്‌സ് ബിജോയ്, എഡിറ്റര്‍- ശ്രീകര്‍ പ്രസാദ്. സിബിഐയുടെ മറ്റു പതിപ്പുകളില്‍നിന്ന് അഞ്ചാം ഭാഗത്തെ വ്യത്യസ്തപ്പെടുത്തുന്ന ഘടകങ്ങള്‍ ഏറെയുണ്ടെന്ന് ടീസര്‍ തന്നെ സാക്ഷ്യപ്പെടുത്തുന്നുണ്ട്.
പ്രതികരിക്കാൻ ഇവിടെ എഴുതുക: