കൊച്ചി: ക്ഷേത്രഭൂമികള്‍ അന്യായമായി കൈവശപ്പെടുത്തിയിരിക്കുന്നവരില്‍ നിന്നും തിരിച്ച് പിടിക്കുന്നതിന് സര്‍ക്കാര്‍ തയ്യാറാവണമെന്ന് വിശ്വ ഹിന്ദുപരിഷത്ത് സംസ്ഥാന അധ്യക്ഷന്‍ വിജി തമ്പി, സംസ്ഥാന സെക്രട്ടറി വി.ആര്‍. രാജശേഖരന്‍ എന്നിവര്‍ പത്രസമ്മേളനത്തില്‍ ആവശ്യപ്പെട്ടു. അനധികൃതമായി ദേവസ്വം ബോര്‍ഡ് പിടിച്ചെടുത്തിരിക്കുന്ന ക്ഷേത്രങ്ങള്‍ അവകാശികള്‍ക്ക് നല്‍കാന്‍ തയ്യാറാവണം. ഇതിനായി വിഎച്ച്പി ശക്തമായ സമരങ്ങള്‍ സംഘടിപ്പിക്കാന്‍ തയ്യാറെടുക്കുകയാണ്.
മതപരമായ ചിഹ്നങ്ങള്‍ പൊതുവിദ്യാഭ്യാസ സ്ഥാപനങ്ങളില്‍ പാടില്ലെന്ന കര്‍ണ്ണാടക സര്‍ക്കാരിന്റെ വിദ്യാഭ്യാസ നയം കേരളത്തിലും നടപ്പാക്കണം. കേരളത്തെ വിഭജിക്കുന്ന തരത്തില്‍ ജിഹാദി പ്രവര്‍ത്തനം വളരുകയാണ്. മുമ്പ് ലൗ ജിഹാദ് മാത്രമായിരുന്നു. ഇന്നത് നര്‍ക്കോട്ടിക് ജിഹാദ്, എക്കണോമിക് ജിഹാദ്, ബിസിനസ് ജിഹാദ് ഇങ്ങനെ പലപേരുകളില്‍ രൂപങ്ങളില്‍ വളരുകയാണ്. ഈ വിഷയങ്ങളില്‍ സര്‍ക്കാരിന്റെ നിലപാട് വ്യക്തമാക്കണമെന്നും ഇരുവരും ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: