താനാപ്പാടത്ത് കാർ തലകീഴായി കാനയിലേക്ക് മറിഞ്ഞു; യാത്രക്കാർ അത്ഭുതകരമായി രക്ഷപ്പെട്ടു.

കാഞ്ഞാണി (തൃശൂർ): കണ്ടശ്ശാംകടവ് താനാപ്പാടത്തുള്ള കാനയിലേക്ക് കാർ തലകീഴായി മറിഞ്ഞ് കാറിൽ ഉണ്ടായിരുന്നവർ അത്ഭുതകരമായി രക്ഷപ്പെട്ടു. പാലത്തിന്റെ കൈവരികൾ ഇടിച്ച് തകർത്താണ് കാർ തലകീഴായി കാനയിലേക്ക് മറിഞ്ഞത്. 

ഫ്ലവർഷോ കഴിഞ്ഞ് മണ്ണുത്തിയിലേക്ക് പോകുമ്പോഴാണ് രാവിലെ അപകടം സംഭവിച്ചത്. കാറിനുള്ളിൽ രണ്ടു സ്ത്രീകളും ഡ്രൈവറുമാണ് ഉണ്ടായിരുന്നത്. അമിതവേഗതയിൽ വരുകയായിരുന്ന രണ്ടുബൈക്കുകൾക്ക് സൈഡ് കൊടുക്കുന്നതിനിടയിൽ കാർ നിയന്ത്രണം വിട്ടാണ് കാനയിലേക്ക് തലകീഴായി മറിഞ്ഞതെന്ന് ഡ്രൈവും ഉടമയുമായ ഭരതൻ പറഞ്ഞു. 

മുന്നുപേരും മണ്ണുത്തി സ്വദേശികളാണ്.