കല്‍പ്പറ്റ: കല്‍പ്പറ്റ മുന്‍ എംഎല്‍എയും സഹകരണ ക്ഷേമനിധി ബോര്‍ഡ് വൈസ് ചെയര്‍മാനുമായ സി.കെ. ശശീന്ദ്രന്റെ ഔദ്യോഗിക വാഹനമിടിച്ച് കാല്‍നടയാത്രക്കാര്‍ക്ക് പരിക്ക്. ഒരു സ്ത്രീക്ക് ഗുരുതരമായി പരിക്കേറ്റിട്ടുണ്ട്.
കല്‍പ്പറ്റ പിണങ്ങോട് ജങ്ഷന് സമീപം വെച്ചാണ് അപകടമുണ്ടായത്. സി.കെ. ശശീന്ദ്രന്‍ വാഹനത്തിലുണ്ടായിരുന്നില്ല. അദ്ദേഹം എറണാകുളത്തായിരുന്നു. വയനാട് പൊഴുതന സ്വദേശികളായ സെയ്ഫുദീന്‍, ഭാര്യ ബബിത, മകന്‍ മുഹമ്മദ് സഹല്‍ എന്നിവര്‍ക്കാണ് പരിക്കേറ്റത്. ഇതില്‍ ബബിതയ്‌ക്കാണ് ഗുരുതരമായി പരിക്കേറ്റത്. ഇവരെ കോഴിക്കോട് മെഡിക്കല്‍ കോളേജിലേക്ക് മാറ്റി.
അപകടത്തിന് ശേഷം വാഹനം നിര്‍ത്തിയിരുന്നുന്നില്ല. ഡ്രൈവര്‍ അച്യുതന്‍ പിന്നീട് വാഹനം സമീപത്തുള്ള കല്‍പ്പറ്റ പൊലീസ് സ്റ്റേഷനിലെത്തി സംഭവം അറിയിക്കുകയായിരുന്നു. ഇയാളെ വൈദ്യപരിശോധനയ്‌ക്ക് കൊണ്ടുപോയി.
പ്രതികരിക്കാൻ ഇവിടെ എഴുതുക: