തിരുവനന്തപുരം : സ്വര്‍ണ്ണക്കള്ളക്കടത്ത് കേസിന്റെ അന്വേഷണം അവസാനിച്ചിട്ടില്ല. ഇതില്‍ പങ്കുള്ള എല്ലാവരും കുടുങ്ങുമെന്ന് കേന്ദ്രമന്ത്രി വി. മുരളീധരന്‍. കേസില്‍ പിടിയിലായിരിക്കേ സ്വപ്‌നയെക്കൊണ്ട് എം. ശിവശങ്കര്‍ ഓഡിയോ ക്ലിപ്പ് പുറത്തിറക്കിയതിന് പിന്നില്‍ മുഖ്യമന്ത്രിയുടെ പ്രേരണയാണെന്നും കേന്ദ്രമന്ത്രി അറിയിച്ചു.
കേസില്‍ കേന്ദ്ര സര്‍ക്കാര്‍ ഒരു തരത്തിലുള്ള അധികാര ദുരുപയോഗവും ദുര്‍വിനിയോഗവും നടത്തിയിട്ടില്ല. കേന്ദ്ര ഏജന്‍സികളെ ഉപയോഗിച്ചുകൊണ്ട് സംസ്ഥാന സര്‍ക്കാരിനെയോ സിപിഎം നേതാക്കളെയോ വേട്ടയാടാന്‍ ഒരു ശ്രമവും നടത്തിയിട്ടില്ല എന്നുള്ളത് വ്യക്തമാണ്. പുസ്തകരചനയുടെ പേരില്‍ ശിവശങ്കരനെ സസ്പെന്‍ഡ് ചെയ്യണം.
മുഖ്യമന്ത്രി ഒരാഴ്ചയായി ദുബായിലാണ്. അദ്ദേഹം ചികിത്സക്ക് പോയി. അത് വ്യക്തിപരമായ കാര്യമാണ്. അതിനെ ചോദ്യം ചെയ്യുന്നില്ല. പക്ഷേ ഒരാഴ്ചയായി ദുബായില്‍ എന്ത് ഔദ്യോഗിക പരിപാടിയെന്ന കാര്യം അദ്ദേഹം വിശദീകരിക്കണമെന്നും വി. മുരളീധരന്‍ കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: