ശ്രീനഗര്‍: ലഷ്‌കര്‍ ഇ ത്വയിബയില്‍ അംഗങ്ങളായ രണ്ട് ഭീകരരെ ശനിയാഴ്ച രാവിലെ ശ്രീനഗര്‍ പൊലീസ് വധിച്ചു. ശ്രീനഗറിലെ സകുറ പ്രദേശത്താണ് പൊലീസും ഭീകരരും തമ്മില്‍ ഏറ്റുമുട്ടല്‍ ഉണ്ടായത്.
തീവ്രവാദികളെ തിരിച്ചറിഞ്ഞിട്ടുണ്ട്. അനന്ത് നാഗിലെ ഹസന്‍പൊരയില്‍ പൊലീസ് ഹെഡ്‌കോണ്‍സ്റ്റബിളായ അലി മൊഹമ്മദിനെ വധിച്ച ഇഖ്‌ലാഖ് ഹജാം ആണ് കൊല്ലപ്പെട്ട ഭീകരരില്‍ ഒരാള്‍. ഇയാളില്‍ നിന്നും രണ്ട് പിസ്റ്റളുകള്‍ കണ്ടെടുത്തതായി പൊലീസ് ഐജി വിജയകുമാര്‍ അറിയിച്ചു.
ഏതാനും ദിവസം മുന്‍പ് സുരക്ഷാസേന ജെയ്ഷ് എ മുഹമ്മദിന്റെ കമാന്‍ഡര്‍ ഉള്‍പ്പെടെ അഞ്ച് പേരെ വധിച്ചിരുന്നു. ഇക്കുട്ടത്തില്‍ പാകിസ്ഥാനില്‍ നിന്നുള്ള ഒരു തീവ്രവാദിയും ഉണ്ടായിരുന്നു.
പ്രതികരിക്കാൻ ഇവിടെ എഴുതുക: