ലഖ്‌നോ: ഉത്തര്‍പ്രദേശില്‍ ലഖ്‌നോവിലെ കോണ്‍ഗ്രസ് ഓഫീസില്‍ തെരഞ്ഞെടുപ്പ് പ്രചാരണത്തിനെത്തിയ കനയ്യ കുമാറിന് മേല്‍ മഷി കുടഞ്ഞ് യുവാവിന്റെ പ്രതിഷേധം. കനയ്യകുമാറിനെ കോണ്‍ഗ്രസ് പ്രവര്‍ത്തകര്‍ ചുറ്റിനില്‍ക്കുമ്പോഴാണ് യുവാവ് കരി ഓയില്‍ ഒഴിച്ച ശേഷം കനയ്യ കുമാര്‍ മൂര്‍ദ്ദാബാദ് എന്ന് ഉച്ചത്തില്‍ മുദ്രാവാക്യം മുഴക്കിയത്,.
യുവാവിനെ പിന്നീട് കോണ്‍ഗ്രസ് പ്രവര്‍ത്തകര്‍ പിടികൂടി. ദേവ്‌നേഷ് വാജപേയി എന്ന യുവാവാണ് പിടിയിലായത്. ലഖ്‌നോ സെന്‍ട്രല്‍ നിയമസഭാ മണ്ഡലത്തില്‍ നാമനിര്‍ദേശപത്രിക നല്‍കുന്ന കോണ്‍ഗ്രസ് സ്ഥാനാര്‍ത്ഥിയോടൊപ്പം പോകാനാണ് കനയ്യ കുമാര്‍ എത്തിയത്. ഈ വീഡിയോ ഇപ്പോള്‍ സമൂഹമാധ്യമങ്ങളില്‍ വൈറലാണ്.
ലഖ്‌നോ ഓഫീസിലെത്തിയ കനയ്യകുമാറിനെ എതിരേല്‍ക്കുകയായിരുന്നു കോണ്‍ഗ്രസ് പ്രവര്‍ത്തകര്‍. അതിനിടയിലാണ് യുവാവ് കനയ്യയ്‌ക്ക് മേല്‍ മഷി കുടഞ്ഞ് കനയ്യ കുമാര്‍ മൂര്‍ദ്ദാബാദ് മുദ്രാവാക്യം വിളിച്ചത്. ഇതോടെ കോണ്‍ഗ്രസ് ഓഫീസില്‍ പ്രവര്‍ത്തകര്‍ ഗ്രൂപ്പ് തിരിഞ്ഞ് ഉന്തും തള്ളുമായി. ഇതോടെ പൊലീസ് രംഗത്തെത്തിയാണ് യുവാവിനെ പിടികൂടിയത്.
മുന്‍ ജെഎന്‍യു വിദ്യാര്‍ത്ഥിയാണ് യുവാവെന്ന് പറയുന്നു. തീപ്പൊരി കമ്മ്യൂണിസ്റ്റ് പ്രവര്‍ത്തകനായ കനയ്യ കോണ്‍ഗ്രസിലേക്ക് മാറിയതാണ് യുവാവിനെ പ്രകോപിപ്പിച്ചതെന്ന് പറയുന്നു. ഇതിനുള്ള പ്രതികാരമായാണ് മഷി ഒഴിച്ചതെന്ന് പറയുന്നു.
പ്രതികരിക്കാൻ ഇവിടെ എഴുതുക: