ലഖ്‌നോ: ഇന്ത്യ മതേതരരാഷ്‌ട്രമായിരിക്കുന്നത് ഹിന്ദുക്കള്‍ ഇവിടെ ഭൂരിപക്ഷമായതുകൊണ്ടാണെന്ന് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. ‘ഉത്തര്‍പ്രദേശിലും എല്ലാവരും സുരക്ഷിതരാണ്. കാരണം ഹിന്ദുക്കളാണ് ഇവിടെ ഭൂരിപക്ഷം. ഹിന്ദു ഏതെങ്കിലും ജാതിയിലോ മതത്തിലോ പെടുന്നതല്ല. അത് നമ്മുടെ സാംസ്‌കാരിക തനിമയാണ്’- യോഗി ആദിത്യനാഥ് തിങ്കളാഴ്ച റിപ്പബ്ലിക് ടിവിക്ക് അനുവദിച്ച അഭിമുഖത്തില്‍ പറഞ്ഞു.
‘ഇന്ത്യയ്‌ക്കെതിരായ ആളുകള്‍ ഹിന്ദുക്കളെ മോശം നിലയില്‍ ചിത്രീകരിക്കുകയാണ്. ഈ പ്രവണത ഇപ്പോള്‍ നന്നായി കുറഞ്ഞിട്ടുണ്ട്. എല്ലാവരും ഇന്ത്യയ്‌ക്ക് വേണ്ടി പ്രവര്‍ത്തിക്കണം. ഉത്തര്‍പ്രദേശിന്റെ അഭിവൃദ്ധിക്ക് വേണ്ടി ഞാന്‍ ജോലി ചെയ്യും,’- യോഗി ആദിത്യനാഥ് പറഞ്ഞു.
‘ഹിന്ദുഫോബിയ (ഹിന്ദുവിനോടുള്ള ഭയം) എന്നത് അനാവശ്യ സൃഷ്ടിയാണ്. അത് ഇന്ത്യയ്‌ക്കും ഭാരതീയതയ്‌ക്കും എതിരായ ഗൂഢാലോചനയാണ്,’- യോഗി ആദിത്യനാഥ് പറഞ്ഞു.
പ്രതികരിക്കാൻ ഇവിടെ എഴുതുക: