കൊച്ചി; നടിയെ ആക്രമിച്ച കേസില്‍ ദിലീപിന് നടിയെ ആക്രമിച്ച ദൃശ്യങ്ങളടങ്ങിയ പെന്‍ ഡ്രൈവ് നല്‍കിയ വി ഐപിയെക്കുറിച്ചുള്ള അന്വേഷണം പൊലീസും ക്രൈംബ്രാഞ്ചും ശക്തമാക്കിയിരിക്കുകയാണ്. കഴിഞ്ഞ ദിവസം കോട്ടയത്തുകാരനായ ഒരു ബിസിനസുകാരനാണ് ഈ വി ഐപി എന്ന വെളിപ്പെടുത്തലുണ്ടായിരുന്നെങ്കിലും ഇദ്ദേഹത്തെ അറസ്റ്റ് ചെയ്യാനായിട്ടില്ല. ഇതോടൈാപ്പം കേസിലെ മുഖ്യകണ്ണിയായ മാഡത്തെയും പൊലീസ് തിരയുകയാണ്.
എറണാകുളത്തുള്ള ഒരു മാഡം പറഞ്ഞിട്ടാണ് ഈ കൃത്യം ചെയ്തതെന്ന് കേസിലെ മുഖ്യപ്രതിയായ പള്‍സര്‍ സുനി അന്നേ മൊഴി നല്‍കിയിരുന്നു. എന്നാല്‍ പള്‍സര്‍ സുനി പിന്നീട് ഈ മൊഴിയില്‍ ഉറച്ചുനില്‍ക്കാതായതോടെ മാഡത്തെക്കുറിച്ചുള്ള അന്വേഷണം മുന്നോട്ട് പോയില്ല.
ഈയിടെ ബാലചന്ദ്രകുമാര്‍ പുതിയ തെളിവുകളുടെയും ആരോപണങ്ങളുടെയും മൊഴിയുടെയും അടിസ്ഥാനത്തില്‍ രംഗത്തെത്തിയതോടെയാണ് വീണ്ടും മാഡത്തെ ചുറ്റിപ്പറ്റിയുള്ള ചര്‍ച്ചകള്‍ സജീവമായിരിക്കുന്നത്. മാഡം ആരാണെന്നതു സംബന്ധിച്ച ചില വ്യക്തമായ സൂചനകള്‍ ബാലചന്ദ്രകുമാര്‍ ക്രൈംബ്രാഞ്ചിന് നല്‍കിയതായി അറിയുന്നു. ദിലീപ് മാഡം എന്ന വിളിച്ചിരുന്ന വ്യക്തി അധികം വൈകാതെ വലയില്‍ കുരുങ്ങുമെന്നാണ് പൊലീസ് കരുതുന്നത്.
താനല്ല ഒരു സ്ത്രീയാണ് ഈ ശിക്ഷ അനുഭവിക്കേണ്ടിയിരുന്നത് എന്ന് ദിലീപ് തന്റെ സുഹൃത്തായ ബൈജു എന്നയാളോട് പറഞ്ഞതായി ബാലചന്ദ്രകുമാര്‍ പറയുന്നു. അവരെ നമ്മള്‍ രക്ഷിച്ചുകൊണ്ടുപോയിട്ട് അവസാനം ഞാന്‍ ശിക്ഷിക്കപ്പെട്ടു എന്ന ദിലീപ് പറഞ്ഞതായും ബാലചന്ദ്രകുമാര്‍ മൊഴി നല്‍കിയിട്ടുണ്ട്. ഈ സംഭാഷണശകലം ബാലചന്ദ്രകുമാര്‍ പൊലീസിന് കൈമാറിയിട്ടുണ്ട്.
പ്രതികരിക്കാൻ ഇവിടെ എഴുതുക: