ന്യൂദല്‍ഹി: പഞ്ചാബിലെ വിഘടനവാദരാഷ്‌ട്രീയത്തിനെതിരെ പ്രതികരിച്ച് കൂടുതല്‍ സിഖ് നേതാക്കള്‍ ബിജെപിയിലേക്ക്. പ്രധാനമന്ത്രി നരേന്ദ്ര മോദിയെ അപായപ്പെടുത്താന്‍ നടത്തിയ ആസൂത്രിത നീക്കം കോണ്‍ഗ്രസിന്റെ രാജ്യവിരുദ്ധ മനോഭാവത്തിന്റെ പ്രകടനമാണെന്നും അതിനെതിരെ ശക്തമായ ജനവികാരമുയരുമെന്നും കേന്ദ്രമന്ത്രി ഗജേന്ദ്ര സിങ് ഷെഖാവത്ത് പറഞ്ഞു. ബിജെപിയിലേക്കെത്തിയെ പ്രമുഖരെ സ്വീകരിച്ച് സംസാരിക്കുകയായിരുന്നു അദ്ദേഹം.
മുന്‍ കോണ്‍ഗ്രസ് നേതാവും എംഎല്‍എയുമായിരുന്ന അരവിന്ദ് ഖന്ന, പന്ഥ്‌രത്ന ജതേദാര്‍ ഗുര്‍ചരണ്‍ സിങ് തോറ മെമ്മോറിയല്‍ ട്രസ്റ്റ് പ്രസിഡന്റ് കന്‍വര്‍ സിങ് തോഡ, ശിരോമണി അകാലിദള്‍ ജനറല്‍ സെക്രട്ടറി ഗുര്‍ദീപ് സിങ് ഗോഷ, അമൃത്സര്‍ മുന്‍ കൗണ്‍സിലര്‍ ധര്‍മ്മവീര്‍ സരീന്‍ എന്നിവരാണ് ഇന്ന് ന്യൂദല്‍ഹിയില്‍ ബിജെപി കേന്ദ്ര ആസ്ഥാനത്തുനടന്ന ചടങ്ങില്‍ പാര്‍ട്ടിയില്‍ ചേര്‍ന്നത്. സംഗ്രൂര്‍ (2002-2007), ധുരി (2012-2015) എന്നിവിടങ്ങളില്‍ നിന്ന് നിയമസഭാംഗമായിരുന്ന അരവിന്ദ് ഖന്ന പഞ്ചാബ് പ്രദേശ് കോണ്‍ഗ്രസ് ജനറല്‍ സെക്രട്ടറി കൂടിയായിരുന്നു.
പ്രതികരിക്കാൻ ഇവിടെ എഴുതുക: