പത്തനാപുരം: മലയോര നാടിന് അഭിമാനമാണ് ഈ മിടുക്കി. എംഎസ്‌സി കെമിസ്ട്രിയില്‍ നൂറുല്‍ ഇസ്ലാം യൂണിവേഴ്‌സിറ്റിയില്‍ നിന്നും ഗോള്‍ഡ് മെഡലോടെ ഒന്നാം റാങ്ക് കരസ്ഥമാക്കിയാണ് പത്തനാപുരം സ്വദേശിനിയായ കൃഷ്ണേന്ദു തിളക്കമാര്‍ന്ന നേട്ടം കൈവരിച്ചത്.
തുടര്‍പഠനത്തിനായി നൂറുല്‍ ഇസ്ലാം യൂണിവേഴ്‌സിറ്റിയില്‍ സ്‌കോളര്‍ഷിപ്പോടെ പിഎച്ച്ഡിക്കും ചേര്‍ന്നു. കുണ്ടയം വന്ദനത്തില്‍ ആറന്മുള വല്ലന കമ്യൂണിറ്റി ഹെല്‍ത്ത് സെന്ററിലെ ഹെല്‍ത്ത് ഇന്‍സ്‌പെക്ടറായ അനില്‍കുമാറിന്റെയും പത്തനാപുരം താലൂക്ക് ആശുപത്രിയിലെ ഹെല്‍ത്ത് ഇന്‍സ്‌പെക്ടറായ അംബികയുടെ മകളാണ് ക്യഷ്‌ണേന്ദു.
പത്തനാപുരം അല്‍അമീന്‍ പബ്ലിക് സ്‌കൂളിലെ ഹൈസ്‌കുള്‍ വിദ്യാഭ്യാസത്തിന് ശേഷം പട്ടാഴി ഗവ.ഹയര്‍സെക്കണ്ടറി സ്‌കൂളിലും നിന്നും പ്ലസ്ടുവും കൊല്ലം ഫാത്തിമ മാതാ കൊളേജിലും നിന്നും ഉയര്‍ന്ന മാര്‍ക്കോടെ ബിരുദവും കരസ്ഥമാക്കി. അപൂര്‍വ നേട്ടത്തിലൂടെ നാടിന് അഭിമാനമായ ക്യഷ്‌ണേന്ദുവിനെ നേരില്‍ കണ്ട് അഭിനന്ദനം അറിയിക്കാനായി നിരവധി പേരാണ് വീട്ടിലെത്തുന്നത്. ചേച്ചിക്ക് പിന്തുണയുമായി അനുജന്‍ കൃഷ്ണനുണ്ണിയും കൂടെയുണ്ട്.
പ്രതികരിക്കാൻ ഇവിടെ എഴുതുക: