ധനുഷ് നായകനാകുന്ന ‘വാത്തി’യുടെ ഫസ്റ്റ് ലുക്ക് പോസ്റ്റര്‍ പുറത്ത്. സിനിമ തിരക്കഥയെഴുതി സംവിധാനം ചെയ്യുന്നത് വെങ്കി അറ്റിലൂരിയാണ്. സംയുക്ത മേനോനാണ് ചിത്രത്തിലെ നായിക.
വാത്തി എന്ന് പേരിട്ടിരിക്കുന്ന സിനിമ ഒരേസമയം തമിഴിലും തെലുങ്കിലുമായാണ് ഒരുങ്ങുന്നത്. ധനുഷിന്റെ ആദ്യതെലുങ്ക് ചിത്രം കൂടിയാണിത്. ഒരുപാട് സ്വപ്‌നങ്ങളുള്ള കോളേജ് അധ്യാപകനായ ഒരു സാധാരണ മനുഷ്യന്റെ കഥയാണ് വാത്തി പറയുന്നത്. തെലുങ്കില്‍ ‘സര്‍’ എന്ന പേരിലാണ് സിനിമ റിലീസ് ചെയ്യുന്നത്. വിജയുടെ മാസ്റ്ററിലെ തരംഗമായ വാത്തി കമ്മിംഗി’ പാട്ടുമായ് സാമ്യം ഉള്ളതിനാല്‍ തന്നെ ധനുഷിന്റെ പുതിയ സിനിമ വളരെയധികം ശ്രദ്ധയാകര്‍ഷിക്കുന്നുണ്ട്.
നാഗവംശി എസും, സായ് സൗജന്യയും നിര്‍മിക്കുന്ന ചിത്രത്തില്‍ ജി.വി. പ്രകാശാണ് സംഗീതസംവിധാനം നിര്‍വഹിക്കുന്നത്. ദിനേഷ് കൃഷ്ണനാണ് സിനിമാറ്റോഗ്രഫി നിര്‍വഹിക്കുന്നത്. ചിത്രത്തിന്റെ എഡിറ്റിംഗ് നവീന്‍ നൂളിയാണ്. സിനിമയില്‍ അഭിനയിക്കുന്ന മറ്റ് താരങ്ങളുടെ പേരുകള്‍ പുറത്ത് വിട്ടില്ലെങ്കിലും ഉടന്‍ തന്നെ ഷൂട്ടിംഗ് ആരംഭിക്കുമെന്നും റിപ്പോര്‍ട്ടുകള്‍ പറയുന്നു. അക്ഷയ് കുമാറിനും സാറാ അലി ഖാനുമൊപ്പമുള്ള ‘അത്‌രംഗി രേ’ ആണ് ധനുഷിന്റെ റിലീസ് ചെയ്യാനുള്ള ചിത്രം.
പ്രതികരിക്കാൻ ഇവിടെ എഴുതുക: