കെങ്കേമത്തിലൂടെ വേറിട്ടൊരു വേഷവുമായി മലയാളി പ്രേക്ഷക ഹൃദയത്തില്‍ ഇടം നേടാനൊരുങ്ങി ഭഗത് മാനുവല്‍. ഷാമോന്‍ ബി. പറേലില്‍ രചനയും, സംവിധാനവും നിര്‍വ്വഹിക്കുന്ന കെങ്കേമത്തിന്റെ ചിത്രീകരണം പൂര്‍ത്തിയായി സ്റ്റുഡിയോവര്‍ക്കുകള്‍ പുരോഗമിക്കുന്നു.
യഥാര്‍ത്ഥ ജീവിതത്തില്‍ ഒരു തികഞ്ഞ മമ്മൂട്ടി ഫാനാണ് ഭഗത്. കെങ്കേമത്തിലും ഒരു കട്ട മമ്മൂട്ടി ഫാനാണ് ഭഗത് ചെയ്യുന്ന ബഡി എന്ന കഥാപാത്രം. കട്ട കലിപ്പില്‍ നില്‍ക്കുന്ന ഭഗത്തിന്റെ ക്യാരക്ടര്‍ ഡിസൈനിലെ രൂപമാറ്റത്തില്‍ ഒത്തിരി പ്രത്യേകതകള്‍ ഉണ്ട് എന്ന് ഒറ്റ നോട്ടത്തില്‍ മനസ്സിലാക്കാനാകും. എന്തായാലും കാരക്ടര്‍ ഡിസൈന്‍ ഓണ്‍ലൈനില്‍ ചര്‍ച്ചാവിഷയമായിക്കഴിഞ്ഞു.
സംവിധായകനാകണമെന്ന ആഗ്രഹവുമായി നടക്കുന്ന ബഡി എന്ന കഥാപാത്രത്തെയാണ് ഭഗത് അവതരിപ്പിക്കുന്നത്. ഒരു മമ്മൂട്ടി ഫാനായ ബഡി പ്രേക്ഷകരെ ചിരിപ്പിക്കുകയും, ചിന്തിപ്പിക്കുകയും ചെയ്യും. ഈ പുതിയ ഗെറ്റപ്പില്‍ പ്രേക്ഷകര്‍ക്ക് കൂടുതല്‍ പ്രതീക്ഷിക്കാനുള്ള വകയുണ്ട് എന്ന് കരുതാം. ചിത്രത്തിന്റെ ഫസ്റ്റ് ലുക്ക് പോസ്റ്റര്‍, പ്രമുഖര്‍ സോഷ്യല്‍ മീഡിയയിലൂടെ പങ്കു വെച്ചപ്പോള്‍ കൂടുതല്‍ ജനപ്രീതി നേടിയിരുന്നു.
ഓണ്‍ഡിമാന്‍ഡ്‌സിന്റ ബാനറില്‍ ഷാഹ് മോന്‍ ബി പറേലില്‍ രചനയും സംവിധാനവും നിര്‍വ്വഹിക്കുന്ന കെങ്കേമത്തിന്റെ ക്യാമറ- വിജയ് ഉലഗനാഥ്, സംഗീതം- ദേവേഷ് ആര്‍. നാഥ്, ആര്‍ട്ട്- ജോസഫ് നെല്ലിക്കല്‍, വസ്ത്രാലങ്കാരം- ഭക്തന്‍മങ്ങാട്ട്, മേക്കപ്പ്- ലിബിന്‍ മോഹന്‍, പ്രൊഡക്ഷന്‍ കണ്‍ട്രോളര്‍-ഷറഫ് കരൂപ്പടന്ന, അസോസിയേറ്റ് ഡയറക്ടര്‍ – ഫാസില്‍ പി.ഷാഹ് മോന്‍, ഫൈസല്‍ഫാസി, പിആര്‍ഒ- അയ്മനം സാജന്‍
നോബി മാര്‍ക്കോസ്, ലെവിന്‍സൈമണ്‍ ജോസഫ്, സലിം കുമാര്‍, ഇടവേള ബാബു,മന്‍രാജ്, അബു സലിം ,സുനില്‍ സുഗത, സാജു നവോദയ, അരിസ്റ്റോ സുരേഷ്, ബാദുഷ, മോളി കണ്ണമാലി എന്നിവരും ചിത്രത്തില്‍ വേഷമിടുന്നു.
പ്രതികരിക്കാൻ ഇവിടെ എഴുതുക: