പത്തനാപുരം: പാടത്ത് പുലി ഇറങ്ങി ആടിനെ കൊന്നു. പാടം വണ്ടണിയില്‍ ഹബീബിന്റെ രണ്ട് ആടുകളെയാണ് പുലി പിടിച്ചത്. ഇതില്‍ ഒരു ആട് പുലിയുടെ ആക്രമണത്തില്‍ ചത്തു. ആടുകളുടെ കരച്ചില്‍ കേട്ട് വീട്ടുകാര്‍ ഇറങ്ങിയപ്പോള്‍ പുലി ആടിന്റെ കഴുത്തില്‍ കടിച്ച് വലിക്കുന്നതായാണ് കണ്ടത്. ശബ്ദം കേട്ടതോടെ ഓടി മറഞ്ഞു.
ആടിനെ കൊന്ന ശേഷം ഓടി മറഞ്ഞ പുലി ഒരു മണിക്കൂറിന് ശേഷം വീണ്ടും എത്തി മറ്റൊരാടിനെ കൊല്ലാനും ശ്രമം നടത്തി. പ്രദേശവാസികള്‍ പലരും സ്ഥിരമായി പുലിയെ നേരില്‍ കണ്ടിട്ടുണ്ട്. മാസങ്ങള്‍ക്ക് മുന്‍പ് ആടുകളെയും വളര്‍ത്ത് നായയേയും പുലി ഭക്ഷണമാക്കിയിരുന്നു.
പാടം ഫോറസ്റ്റ് ഡെപ്യൂട്ടി റെയിഞ്ച് ഓഫീസര്‍ അനില്‍ബേബി, സെക്ഷന്‍ ഓഫീസര്‍ എംകെ ജയപ്രകാശ്, ബീറ്റ് ഓഫീസര്‍ മധുസൂദനന്‍ പിള്ള എന്നിവര്‍ ഹബീബിന്റെ വീട്ടില്‍ എത്തി പരിശോധന നടത്തി.
പ്രതികരിക്കാൻ ഇവിടെ എഴുതുക: