കൊച്ചി: 24 ന്യൂസിന്റെ കൊച്ചി റിപ്പോര്ട്ടര് സഹിന് ആന്റണിയും പുരാവസ്തു തട്ടിപ്പുകാരന് മോന്സണ് മാവുങ്കലുമായുള്ള വഴിവിട്ട ബന്ധത്തിന്റെ കൂടുതല് തെളിവുകള് പുറത്ത്. സഹിനും മോന്സണുമൊത്തുള്ള വീഡിയോ ക്ലിപ്പുകളാണ് പുറത്തുവന്നത്. സഹിന്റെ മകളുടെ പിറന്നാള് പാര്ട്ടി കൊച്ചിയിലെ പഞ്ചനക്ഷത്ര ഹോട്ടലില് നടത്തിയതിന്റെ വീഡിയോ ദൃശ്യങ്ങളില് മോന്സണ് സജീവമായി പങ്കെടുക്കുന്നത് കാണാം.
കേസ് മുറുകുമ്പോള് സഹിന് ആന്റണിക്കെതിരെ ഉയര്ന്നത് ഗുരുതര ആരോപണങ്ങള്. സഹിനാണ് മോന്സന് മാവുങ്കലിന്റെ ഇടനിലക്കാരനായി പ്രവര്ത്തിച്ചതെന്ന് പരാതിക്കാര് മുഖ്യമന്ത്രിക്ക് നല്കിയ കത്തില് വെളിപ്പെടുത്തിയിരുന്നു. നേരത്തെ മോന്സണ് മാവുങ്കലിനെതിരെ പരാതി വന്നപ്പോള് ഒതുക്കി തീര്ക്കാന് കൊച്ചി എസിപി ലാല്ജി, ഡിഐജി സുരേന്ദ്രന്, ഐജി ലക്ഷ്മണ് തുടങ്ങിയ പോലീസ് ഉദ്യോഗസ്ഥരെ ഇടപെടുത്തിയത് സഹിന് ആന്റണിയാണെന്ന് യാക്കൂബ്, അനൂപ്, സലീം, ഷമീര്, സിദ്ദിഖ്, ഷാനിമോന് എന്നിവര് മുഖ്യമന്ത്രിക്ക് നല്കിയ പരാതിയില് പറയുന്നു.
ശബരിമലയിലെ ചെമ്പോല തീട്ടൂരമെന്ന പേരില് മോന്സണിന്റെ ചെമ്പോല ഉപയോഗിച്ച് ശബരിമലയ്ക്കെതിരെ 24 ന്യൂസില് വ്യാജവാര്ത്ത നല്കിയത് സഹിന് ആന്റണിയാണ്. സ്വര്ണ കള്ളക്കടത്തു കേസില് പ്രതിയായ സ്വപ്ന സുരേഷ് ഒളിവില് പോയപ്പോള് ആത്മഹത്യ ഭീഷണിയുള്ള ഓഡിയോ സന്ദേശം പുറത്തു വിട്ടതും സഹിനായിരുന്നു.
പ്രതികരിക്കാൻ ഇവിടെ എഴുതുക: