മാഞ്ചസ്റ്റര്‍: ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ യുണൈറ്റഡിന് ഞെട്ടിക്കുന്ന തോല്‍വി. ഓള്‍ഡ്ട്രാഫോര്‍ഡില്‍ ചുവന്ന ചെകുത്താന്മാരെ ആസ്റ്റന്‍വില്ല കീഴടക്കിയത് എതിരില്ലാത്ത ഒരു ഗോളിന്. ക്രിസ്റ്റ്യാനോ റൊണാള്‍ഡോയെ സാക്ഷി നിര്‍ത്തി ബ്രൂണോ ഫെര്‍ണാണ്ടസ് പെനല്‍റ്റി പാഴാക്കിയത് മത്സരത്തില്‍ നിര്‍ണായകമായി. ഇതോടെ പോയിന്റ് പട്ടികയില്‍ മുന്നേറാമെന്ന യുണൈറ്റഡിന്റെ മോഹവും നടന്നില്ല. കളിയുടെ അവസാന നിമിഷത്തിലായിരുന്നു വിജയ ഗോള്‍. കോര്‍ട്ട്ണി ഹോസിന്റെ ഹെഡര്‍ വില്ലയ്‌ക്ക് ചരിത്ര വിജയം നല്‍കി. 2009ന് ശേഷം യുണൈറ്റഡിനെതിരെയുള്ള ആദ്യ ജയം. പ്രീമിയര്‍ ലീഗില്‍ സീസണില്‍ യുണൈറ്റഡിന്റെ ആദ്യ തോല്‍വിയാണിത്.
മറ്റൊരു മത്സരത്തില്‍ ലിവര്‍പൂള്‍ ബ്രന്റ്‌ഫോര്‍ഡിനോട് സമനിലയില്‍ പിരിഞ്ഞു. മൂന്ന് ഗോള്‍ വീതം നേടിയായിരുന്നു സമനില. ലിവര്‍പൂളിനായി ഡിയഗോ ജോട്ടയും മുഹമ്മദ് സലയും കുര്‍ട്ടിസ് ജോണ്‍സും ഗോള്‍ നേടി. പ്രീമിയര്‍ ലീഗില്‍ സല 100 ഗോളും തികച്ചു.
പ്രതികരിക്കാൻ ഇവിടെ എഴുതുക: