ന്യൂദല്‍ഹി: പോസ്റ്റ് ഡെവലൂഷന്‍ റവന്യൂ ഡെഫിസിറ്റ് (പിഡിആര്‍ഡി) ഗ്രാന്റിന്റെ ആറാമത് പ്രതിമാസ ഗഡുവായ 9,871.00 കോടി രൂപ ധനമന്ത്രാലയത്തിന്റെ ധനവിനിയോഗ വകുപ്പ് സംസ്ഥാനങ്ങള്‍ക്കനുവദിച്ചു. ഈ ഗഡു കൈമാറിയതോടെ നടപ്പ് സാമ്പത്തിക വര്‍ഷത്തില്‍ ആകെ 59,226.00 കോടി രൂപ പിഡിആര്‍ഡി ഗ്രാന്റ് ഇനത്തില്‍ അര്‍ഹതപ്പെട്ട സംസ്ഥാനങ്ങള്‍ക്ക് ലഭിച്ചു. 1657.58 കോടി രൂപയാണ് കേരളത്തിന് അനുവദിച്ചിരിക്കുന്നത്.
ഈ മാസം അനുവദിച്ച ഗ്രാന്റിന്റെ സംസ്ഥാനാടിസ്ഥാനത്തിലുള്ള വിശദാംശങ്ങളും 2021-22ല്‍ സംസ്ഥാനങ്ങള്‍ക്ക് അനുവദിച്ച പോസ്റ്റ് ഡെവലൂഷന്‍ റവന്യൂ ഗ്രാന്റിന്റെ ആകെ തുകയും ഇതോടൊപ്പം ചേര്‍ക്കുന്നു. 2021-22 സാമ്പത്തിക വര്‍ഷത്തില്‍ 17 സംസ്ഥാനങ്ങള്‍ക്കായി ആകെ 1,18,452 കോടി രൂപയുടെ പിഡിആര്‍ഡി ഗ്രാന്റ് പതിനഞ്ചാം ധനകാര്യ കമ്മീഷന്‍ ശുപാര്‍ശ ചെയ്തിട്ടുണ്ട്. ഇതില്‍ 59,226.00 കോടി (50%) ഇതുവരെ കൈമാറി.
പ്രതികരിക്കാൻ ഇവിടെ എഴുതുക: