തിരുവനന്തപുരത്ത് എംപിയും മുതിര്‍ന്ന കോണ്‍ഗ്രസ് നേതാവുമായ ശശി തരൂരിനെതിരെ പോസ്റ്ററുകള്‍. ഡിസിസി ഓഫീസിന് മുന്നിലാണ് പോസ്റ്ററുകല്‍ ഒട്ടിച്ചിരിക്കുന്നത്. ഡിസിസി പ്രസിഡന്റ് നിയമനം സമബന്ധിച്ച തര്‍ക്കങ്ങളുടെ പേരിലാണ് തരൂരിനെ വിമര്‍ശിച്ചുകൊണ്ടുള്ള പോസ്റ്ററുകള്‍ ഉയര്‍ന്നിരിക്കുന്നത്. തരൂര്‍ തന്റെ ഇഷ്ടക്കാരനെ ഡിസിസി പ്രസിഡന്റാക്കാന്‍ ശ്രമിക്കുന്നുവെന്നാണ് പോസ്റ്ററിലെ ആക്ഷേപം.
വട്ടിയൂര്‍ക്കാവില്‍ ഇഷ്ടക്കാരിക്ക് സീറ്റ് വാങ്ങിക്കൊടുത്ത് പാര്‍ട്ടിയെ മൂന്നാം സ്ഥാനത്താക്കിയത് തരൂരാണെന്നും പോസ്റ്ററില്‍ കുറ്റപ്പെടുത്തുന്നു. രാഷ്‌ട്രീയം പ്രവര്‍ത്തനം നടത്താത്ത എംപിയായ തരൂരിനെ ചുമക്കുന്ന പാര്‍ട്ടിക്കാരോടെന്തിനാണ് ഈ ചതിയെന്നാണ് മറ്റൊരു പോസ്റ്റര്‍. പി.സി ചാക്കോയുടെ പിന്‍ഗാമിയാണോ തരൂര്‍ എന്ന് ചോദിക്കുന്നതാണ് മറ്റൊരു പോസ്റ്റര്‍.
തിരുവനന്തപുരത്ത് നിലവില്‍ ഡിസിസി പ്രസിഡന്റ് സാധ്യതാ ലിസ്റ്റിലുള്ളത് ശശി തരൂരിന്റെ നോമിനിയായ ജി.എസ്. ബാബു. കെ.എസ്. ശബരീനാഥന്‍, ആര്‍വി രാജേഷ്, പാലോട് രവി എന്നിവരാണ്. ഇതില്‍ ജി.എസ്. ബാബുവിന്റെ പേര് പരാമര്‍ശിച്ചും പോസ്റ്ററില്‍ വിമര്‍ശനമുണ്ട്. തിരുവനന്തപുരത്തെ നാല് പേരുകളില്‍ നിന്നും ഒറ്റ പേരിലേയ്‌ക്കെത്താന്‍ ഇന്ന് അവസാനവട്ട ചര്‍ച്ചകള്‍ നടക്കുകയാണ്.
പ്രതികരിക്കാൻ ഇവിടെ എഴുതുക: