കണ്ണൂര്‍: സാധനങ്ങൾ ഇറക്കുന്നതുമായി ബന്ധപ്പെട്ട് കടയുടമകളായ സഹോദരങ്ങള്‍ക്ക് സിഐടിയു തൊഴിലാളികളുടെ ക്രൂരമര്‍ദ്ദനം. കണ്ണൂര്‍ മാതമംഗലം എസ്സാര്‍ അസോസിയേറ്റ് ഉടമ റബി മുഹമ്മദ്, സഹോദരന്‍ റഫി എന്നിവര്‍ക്കാണ് മര്‍ദ്ദനമേറ്റത്.
കടയിലേക്കുള്ള സാധനങ്ങള്‍ സ്വന്തമായി ഇറക്കുന്നതിനെ ചോദ്യം ചെയ്ത തൊഴിലാളികള്‍ തങ്ങളെ മര്‍ദ്ദിക്കുകയായിരുന്നു എന്നാണ് പരാതിയില്‍ പറയുന്നത്. സ്വന്തം തൊഴിലാളികളെ ഉപയോഗിച്ച്‌ കടയിലേക്കുള്ള സാധനങ്ങള്‍ ഇറക്കാന്‍ ഇവര്‍ കോടതിയില്‍ നിന്ന് നേരത്തേ പ്രത്യേക അനുമതി വാങ്ങിയിരുന്നു. ഇക്കാര്യം അറിയിച്ചിട്ടും മര്‍ദ്ദിക്കുകയായിരുന്നു.
കടയുടമകളുടെ പരാതിയെത്തുടര്‍ന്ന് പോലീസ് അന്വേഷണമാരംഭിച്ചു.
പ്രതികരിക്കാൻ ഇവിടെ എഴുതുക: