ന്യൂദല്‍ഹി : നികുതി വെട്ടിപ്പുമായി ബന്ധപ്പെട്ട് പ്രമുഖ ഉത്തരേന്ത്യന്‍ മാധ്യമ സ്ഥാപനങ്ങളില്‍ ആദായ നികുതി വകുപ്പിന്റെ തെരച്ചില്‍. ദൈനിക് ഭാസ്കര്, ഭാരത് സമാചാര്‍ ഗ്രൂപ്പ് തുടങ്ങിയവയുടെ ഓഫീസുകളിലാണ് തെരച്ചില്‍. ഈ മാധ്യമങ്ങളുടെ മധ്യപ്രദേശ്, മഹാരാഷ്‌ട്ര, ദില്ലി, രാജസ്ഥാന്‍, ഗുജറാത്ത് എന്നീ സംസ്ഥാനങ്ങളിലെ ഓഫീസുകളില്‍ ഒരേസമയമാണ് ആദായ നികുതി വകുപ്പിന്റെ തെരച്ചില്‍.
ഭാരത് സമാചാര്‍ ഗ്രൂപ്പിന്റെ എഡിറ്റര്‍ ഇന്‍ ചീഫിന്റെ വീട്ടിലും ഇരു മാധ്യമങ്ങളുമായി അടുത്ത ബന്ധമുള്ള പ്രൊമോട്ടര്‍മാരുടെ വീടുകളിലും തെരച്ചില്‍ നടക്കുന്നതായും റിപ്പോര്‍ട്ടുണ്ട്. എന്നാല്‍ തെരച്ചിലിനെ കുറിച്ച് ആദായ നികുതി വകുപ്പ് ഔദ്യോഗികമായി പ്രസ്താവനയൊന്നും നടത്തിയിട്ടില്ല. ദൈനിക് ഭാസ്‌കറും റെയ്ഡിനെക്കുറിച്ച് ഇതേവരെ പ്രതികരിച്ചിട്ടില്ല.
അതിനിടെ കോണ്‍ഗ്രസ് നേതാക്കള്‍ തെരച്ചിലിനെതിരെ രംഗത്തെത്തി. മാധ്യമ സ്ഥാപനങ്ങളുടെ വായടയ്‌ക്കാനാണ് തെരച്ചില്‍ നടത്തുന്നതെന്ന് രാജസ്ഥാന്‍ മുഖ്യമന്ത്രി അശോക് ഗെഹ്ലോട്ട് മധ്യപ്രദേശ് മുന്‍ മുഖ്യമന്ത്രിമാരായ കമല്‍ നാഥ്, ദിഗ്വിജയ് സിങ് എന്നിവര്‍ പ്രതികരിച്ചു.
പ്രതികരിക്കാൻ ഇവിടെ എഴുതുക: