കോട്ടയം : തെരഞ്ഞെടുപ്പിന് സീറ്റ് നിഷേധിച്ചതിന്റെ പേരില്‍ കോണ്‍ഗ്രസ് വിട്ട് എന്‍സിപിയിൽ ചേര്‍ന്ന ലതികാ സുഭാഷിൻറെ ഭർത്താവ് കെ.ആര്‍.സുഭാഷും കോണ്‍ഗ്രസിൽ നിന്നും രാജിവെച്ചു. എന്‍സിപിയില്‍ ചേര്‍ന്ന് പ്രവര്‍ത്തിക്കാന്‍ തീരുമാനിച്ചതായി അദ്ദേഹം പറഞ്ഞു.
കേരള രാഷ്‌ട്രീയത്തില്‍ അറിയപ്പെടുന്ന കോണ്‍ഗ്രസ് നേതാവാണ് സുഭാഷ്. കെപിസിസിനിര്‍വാഹക സമിതി അംഗം, ഡിസിസി വൈസ് പ്രസിഡന്റ്, ഡിസിസി സെക്രട്ടറി – ജില്ലാ കൗണ്‍സില്‍ അംഗം എന്നീ നിലകളില്‍ പ്രവര്‍ത്തിച്ചു. കുറഞ്ഞ കാലം ജില്ലാ പഞ്ചായത്ത് പ്രസിഡന്റ്, ജില്ലാപഞ്ചായത്ത് വൈസ് പ്രസിഡന്റ് തുടങ്ങിയ സ്ഥാനങ്ങളില്‍ പ്രവര്‍ത്തിച്ചിരുന്നു.
2016ല്‍ നടന്ന നിയമസഭാ തിരഞ്ഞെടുപ്പില്‍ വൈപ്പിനിലെ യുഡിഎഫ് സ്ഥാനാര്‍ത്ഥിയായി സുഭാഷ് മത്സരിച്ചിരുന്നു.
പ്രതികരിക്കാൻ ഇവിടെ എഴുതുക: