പനാജി: കുപ്രസിദ്ധ മയക്കുമരുന്ന് മാഫിയ സംഘാംഗമായ ടൈഗർ മുസ്തഫ ഗോവയിൽ പിടിയിൽ. നാർകോട്ടിക്സ് കൺട്രോൾ ബ്യൂറോ(എൻ.സി.ബി)യാണ് ഞായറാഴ്ച രാത്രി ഗോവയിലെ ഒരു ഹോട്ടലിൽനിന്ന് ടൈഗർ മുസ്തഫയെ പിടികൂടിയത്.
എൻ.സി.ബി.യുടെ ഗോവ, മുംബൈ യൂണിറ്റുകൾ സംയുക്തമായി നടത്തിയ രഹസ്യനീക്കത്തിനൊടുവിലാണ് ടൈഗർ മുസ്തഫയെ പിടികൂടാനായത്. ഇയാൾക്കൊപ്പം ഹോട്ടൽ ഉടമയെയും എൻ.സി.ബി. അറസ്റ്റ് ചെയ്തിട്ടുണ്ട്. ഹോട്ടലിൽ നടത്തിയ റെയ്‌ഡിൽ വലിയ അളവിൽ ലഹരിമരുന്ന് പിടിച്ചെടുത്തതായാണ് വിവരം.
കഴിഞ്ഞയാഴ്ച ഇയാൾക്കായി എൻ.സി.ബി. സംഘം റെയ്ഡ് നടത്തിയിരുന്നെങ്കിലും ഉദ്യോഗസ്ഥരെ കബളിപ്പിച്ച് ഇയാൾ രക്ഷപ്പെടുകയായിരുന്നു. അന്ന് മുതൽ ഇയാളെ പിടികൂടാനായി വലവിരിച്ചിരിക്കുകയായിരുന്നു എൻസിബി ഉദ്യോഗസ്ഥർ.
പ്രതികരിക്കാൻ ഇവിടെ എഴുതുക: