മലയാളി പ്രേക്ഷകര്‍ കാത്തിരുന്ന മോഹന്‍ലാല്‍ ചിത്രം ആറാട്ടിന്റെ ടീസര്‍ പുറത്തിറക്കി. ത്രസിപ്പിക്കുന്ന ആക്ഷന്‍ രംഗങ്ങളുമായാണ് ടീസര്‍ എത്തിയിരിക്കുന്നത്. സൈന മൂവീസിന്റെ യൂട്യൂബ് ചാനലിലൂടെ പുറത്തിറക്കിയ ടീസരിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. റിലീസ് ചെയ്ത് വെറും ഒരു മണിക്കൂര്‍കൊണ്ട് 5 ലക്ഷം വ്യൂവ്‌സ് നേടി.
ബി ഉണ്ണികൃഷ്ണന്‍ സംവിധാനം ചെയ്യുന്ന ചിത്രം സജീഷ് മഞ്ചേരിയും ആര്‍ഡി ഇല്ലുമിനേഷനും ചേര്‍ന്നാണ് നിര്‍മ്മിച്ചിരിക്കുന്നത്. ഉദയകൃഷ്ണയാണ് തിരക്കഥ ഒരുക്കിയിരിക്കുന്നത്. വിജയ രാഘവന്‍, സായ് കുമാര്‍, സിദ്ദിഖ്, ജോണി ആന്റണി, ഇന്ദ്രന്‍സ് എന്നിവരും ആറാട്ടില്‍ പ്രധാന വേഷങ്ങളില്‍ എത്തുന്നു. ശ്രദ്ധാ ശ്രീനാഥാണ് നായിക.
പ്രതികരിക്കാൻ ഇവിടെ എഴുതുക: