ചാവക്കാട്: കഞ്ചാവ് കച്ചവടത്തിന്റെ പേരിലുള്ള തര്‍ക്കത്തെ തുടര്‍ന്ന് രണ്ട് യുവാക്കളെ കൊല്ലാന്‍ ശ്രമിച്ച സംഘത്തിലെ മൂന്നു പേര്‍ പിടിയില്‍. പാടൂര്‍ മമ്മസ്രായില്ലത്ത് സിയാദ് (24), പാടൂര്‍ പുതുവീട്ടില്‍ റാഷിക് (23), മല്ലാട് തെക്കുംപുറത്ത് ഫിറോസ് (23) എന്നിവരെയാണ് ചാവക്കാട് പോലീസ് അറസ്റ്റ് ചെയ്തത്. രണ്ട് പേര്‍ കൂടി പിടിയിലാകാനുണ്ട്.
കഴിഞ്ഞ നാലിന് വൈകിട്ടായിരുന്നു കേസിനാസ്പദമായ സംഭവം. ചക്കംകണ്ടീ കോളനി പുതുവീട്ടില്‍ പാത്തുകുഞ്ഞിയുടെ മകന്‍ മനാഫ് എന്ന ദജ്ജാല്‍ മനാഫിനെയും സുഹൃത്ത് ഷിനാദിയെയുമാണ് ചക്കംകണ്ടം ഷട്ടില്‍ കോര്‍ട്ടിന്റെ കുറ്റികാട്ടില്‍ വെച്ച് മരകായുധങ്ങളായി ആക്രമിച്ച് പരിക്കേല്‍പ്പിച്ചത്.
തലയ്‌ക്ക് 62 സ്റ്റിച്ചുകളും, കണം കാലുകള്‍ ഒടിഞ്ഞും ഗുരുതര പരിക്കേറ്റ മനാഫ് മെഡിക്കല്‍ കോളേജില്‍ ചികിത്സയിലാണ്. എസ്‌ഐമാരായ സി.കെ. രാജേഷ്, സി.കെ. നൗഷാദ്, എഎസ്‌ഐമാരായ സജിത്ത്, ബിന്ദുരാജ്, സിപിഒമാരായ മുഹമ്മദ്, ശരത്ത്, ഷിനു, വിബിന്‍, സിനീഷ്, റെജിന്‍, അജീഷ് എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്. പ്രതികളെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: