ധീരജ് ഡെന്നി, ഗോപിക നായര്‍ എന്നിവരെ പ്രധാന കഥാപാത്രങ്ങളാക്കി സാജിര്‍ മജീദ്, വിബിന്‍ വേലായുധന്‍ എന്നിവര്‍ ചേര്‍ന്ന് സംവിധാനം ചെയ്യുന്ന കാറല്‍ മാര്‍ക്‌സ് ഭക്തനായിരുന്നു എന്ന ചിത്രത്തിന്റെ ആദ്യ വീഡിയോ ഗാനം റിലീസായി.
ജ്യോതിഷ് ടി കാശി എഴുതിയ വരികള്‍ക്ക് മണികണ്ഠന്‍ അയ്യപ്പ സംഗീതം പകര്‍ന്ന ‘മധുരാധരി നിന്‍’ എന്ന ഗാനമാണ് പുറത്തിറക്കിയത്. കെ.കെ. ഫിലിംസിന്റെ ബാനറില്‍ കെ.പി. തോമസ് നിര്‍മിക്കുന്ന ഈ ചിത്രത്തില്‍ സുനില്‍ സുഖദ, വിനോദ് കോവൂര്‍ തുടങ്ങിയവര്‍ക്കൊപ്പം പുതുമുഖങ്ങളും അഭിനയിക്കുന്നു.
മഹേഷ് മാധവന്‍ ഛായാഗ്രഹണം നിര്‍വ്വഹിക്കുന്നു. എഡിറ്റര്‍- ദാസല്‍ ഡേവീസ്. പ്രൊഡക്ഷന്‍ കണ്‍ട്രോളര്‍- ജിനു, കല- ശരത് മാരി, ശ്രീകുമാര്‍ മലയാറ്റൂര്‍, മേക്കപ്പ്- അര്‍ഷാദ്, രഞ്ജിത്ത്, കോസ്റ്റും- കുക്കു ജീവന്‍, രാഗേഷ് പല്ലിശ്ശേരി, അസോസിയേറ്റ് ഡയറക്ടര്‍- വിഷ്ണു മാളിയേക്കല്‍, അനൂപ് പൂന, പരസ്യക്കല- മനു ഡാവിന്‍സി, വാര്‍ത്ത പ്രചരണം- എ.എസ്. ദിനേശ്.
പ്രതികരിക്കാൻ ഇവിടെ എഴുതുക: