അഹമ്മദാബാദ്: ഗുജറാത്തിലെ ആറ് മുനിസിപ്പല്‍ കോര്‍പറേഷനുകളിലേക്കുള്ള തെരഞ്ഞെടുപ്പില്‍ ബിജെപി സ്ഥാനാര്‍ത്ഥികള്‍ക്ക് വന്‍മുന്നേറ്റം.
ആകെയുള്ള 576 സീറ്റുകളില്‍ 40എണ്ണത്തില്‍ ബിജെപി സ്ഥാനാര്‍ത്ഥികള്‍ വിജയിച്ചുകഴിഞ്ഞു. കോണ്‍ഗ്രസ് 9 സീറ്റുകള്‍ നേടി. അഹമ്മദാബാദ്, സൂറത്ത്, രാജ്‌കോട്ട്, വദോദര, ഭാവ്‌നഗര്‍, ജാം നഗര്‍ എന്നീ ആറ് മുനിസിപ്പല്‍ കോര്‍പറേഷനുകളിലേക്കാണ് തെരഞ്ഞെടുപ്പ്.
ബിജെപി തന്നെയാണ് കുറെ വര്‍ഷങ്ങളായി ഈ ആറ് കോര്‍പറേഷനുകളും ഭരിക്കുന്നത്. അഹമ്മദാബാദില്‍ അഞ്ച്, രാജ്‌കോട്ടില്‍ എട്ട്, സൂറത്തില്‍ നാല്, വദോദരയില്‍ ഒമ്പത്, ജാംനഗറിലും ഭാവ്‌നഗറില്‍ ഏഴ് വീതവും സീറ്റുകളിലാണ് ബിജെപി വിജയിച്ചത്. കോണ്‍ഗ്രസ് വദോദരയില്‍ ഏഴ് സീറ്റുകള്‍ നേടി. ഭാവ്‌നഗറിലും ജാംനഗറിലും ഓരോ സീറ്റുകള്‍ വീതം നേടി.
പ്രതികരിക്കാൻ ഇവിടെ എഴുതുക: