ബംബോലിം: ഐഎസ്എലില്‍ എടികെ മോഹന്‍ബഗാന് മികച്ച ജയം. ഇന്നലെ നടന്ന മത്സരത്തില്‍ ഒന്നിനെതിരെ നാല് ഗോളുകള്‍ക്ക് ഒഡീഷ എഫ്‌സിയെ തോല്‍പ്പിച്ചു. എടികെയ്‌ക്കുവേണ്ടി മന്‍വീര്‍ സിങ്ങും (11, 54 മിനിറ്റുകളില്‍) റോയ് കൃഷ്ണയും (83-ാം മിനിറ്റില്‍ പെനാല്‍റ്റി, 86) രണ്ട് ഗോളുകള്‍ വീതം നേടി.
ഒഡീഷയുടെ ആശ്വാസഗോള്‍ കോലെ അലക്‌സാണ്ടര്‍ സ്വന്തമാക്കി. ഈ സീസണില്‍ ഒഡീഷയുടെ ഒന്‍പതാം തോല്‍വിയായിരുന്നു ഇന്നലത്തേത്. 15 കളികളില്‍ നിന്ന് 30 പോയിന്റുമായി എടികെ രണ്ടാം സ്ഥാനത്ത് തുടരുമ്പോള്‍ 15 കളികളില്‍നിന്ന് 8 പോയിന്റുമായി ഒഡീഷ ഏറ്റവും അവസാനമാണ്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: