മുംബൈ: സയ്യദ് മുഷ്താഖ് അലി ട്രോഫി ടി20 ടൂര്‍ണമെന്റില്‍ തുടര്‍ച്ചയായ നാലാം വിജയം ലക്ഷ്യമിട്ട് സഞ്ജു സാംസണിന്റെ കേരളം ഇറങ്ങുന്നു. ആന്ധ്രയാണ് എതിരാളികള്‍. ബാന്ദ്ര കുര്‍ള കോംപ്ലക്‌സില്‍ ഇന്ന് ഉച്ചയ്‌ക്ക് 12 നാണ് പോരാട്ടം.
പുതുച്ചേരിയെ തകര്‍ത്ത് അരങ്ങേറിയ കേരളം പിന്നീട് കരുത്തരായ മുംബൈയേയും ദല്‍ഹിയേയും വമ്പന്‍ സ്‌കോറുകള്‍ പിന്തുടര്‍ന്ന് കീഴടക്കി. മുംബൈക്കെതിരെ മുഹമ്മദ് അസഹ്‌റുദ്ദീന്റെ സെഞ്ചുറിയും ദല്‍ഹിക്കെതിരെ റോബിന്‍ ഉത്തപ്പ, വിഷ്ണു വിനോദ് എന്നിവരുടെ തകര്‍പ്പന്‍ ബാറ്റിങ്ങുമാണ് കേരളത്തിന് വിജയമൊരുക്കിത്.
മുന്‍ ഇന്ത്യന്‍ താരം അമ്പാട്ടി റായ്ഡു നയിക്കുന്ന ആന്ധ്രയേയും കീഴടക്കാമെന്ന പ്രതീക്ഷയിലാണ് കേരള ടീം. എസ്. ശ്രീശാന്താണ് കേരളത്തിന്റെ പേസ് നിരയെ നയിക്കുന്നത്. പുതുച്ചേരിക്കതിരായ മത്സരത്തില്‍ ഒരു വിക്കറ്റും ദല്‍ഹിക്കെതിരെ രണ്ട് വിക്കറ്റും ശ്രീശാന്ത് വീഴ്‌ത്തി.
പ്രതികരിക്കാൻ ഇവിടെ എഴുതുക: