കൊല്ലം: ജില്ലാ ആശുപത്രി കെട്ടിടത്തിന് മുകളില്‍ കയറി മധ്യവയസ്‌കന്‍ ആത്മഹത്യാ ഭീഷണി മുഴക്കി. കൊവിഡ് ചികിത്സയില്‍ കഴിഞ്ഞ അമ്പലംകുന്ന് സ്വദേശി ഉദയകുമാറാണ് (58) ആത്മഹത്യക്ക് ശ്രമിച്ചത്. ഡിസംബര്‍ 26ന് കൊവിഡ് പോസിറ്റീവായതിനെ തുടര്‍ന്നാണ് ഉദയകുമാറിനെ ജില്ലാ ആശുപത്രിയിലെ കൊവിഡ് വാര്‍ഡില്‍ ചികിത്സയ്‌ക്കായി അഡ്മിറ്റ് ചെയ്തത്.
ആറ് ദിവസത്തെ ചികിത്സക്ക് ശേഷം നടത്തിയ പരിശോധനയില്‍ കോവിഡ് നെഗറ്റീവായതിനെ തുടര്‍ന്ന് ഡിസ്ചാര്‍ജ് ചെയ്യാനിരിക്കേയാണ് ജില്ലാ ആശുപത്രിയിലെ നാല് നില കെട്ടിടത്തിന്റെ രണ്ടാം നിലയിലെ സണ്‍ ഷെയ്ഡില്‍ കയറി താഴേക്ക് ചാടുമെന്ന് ഇയാള്‍ ഭീഷണി മുഴക്കിയത്. ഫയര്‍ഫോഴ്‌സ് എത്തിയാണ് അനുനയിപ്പിച്ച് താഴെയിറക്കിയത്.
പ്രതികരിക്കാൻ ഇവിടെ എഴുതുക: