ഫറ്റോഡ: ഐഎസ്എല്ലില്‍ ബെംഗളൂരുവിനെതിരെ ജെംഷദ്പൂരിന് തകര്‍പ്പന്‍ ജയം. സമനിലയിലേക്ക് നീങ്ങിയ മത്സരത്തില്‍ കളി തീരാന്‍ പതിനൊന്ന് മിനിറ്റ് മാത്രം ശേഷിക്കെ ജംഷദ്പൂര്‍ വിജയ ഗോള്‍ നേടി. നൈജീരിയന്‍ താരം ഈസാണ് മത്സരത്തിലെ ഏക ഗോള്‍ നേടിയത്.
വിജയത്തോടെ ജെംഷദ്പൂര്‍ പോയിന്റ് പട്ടികയില്‍ മൂന്നാം സ്ഥാനത്തേക്ക് ഉയര്‍ന്നു. തോല്‍വിയോടെ ബെംഗളൂരു നാലാം സ്ഥാനത്തേക്ക് പിന്തള്ളപ്പെട്ടു. മത്സരത്തില്‍ ഇരു ടീമും 12 ഷോട്ടുകളാണ് പോസ്റ്റിന് നേരെ ഉതിര്‍ത്തത്. ഇടയ്‌ക്ക് കളി പരുക്കനായതോടെ നാല് മഞ്ഞക്കാര്‍ഡുകളും പുറത്തെടുത്തു.
നാലും ബെംഗളൂരു താരങ്ങള്‍ക്കാണ്. മത്സരത്തില്‍ ജെംഷദ്പൂര്‍ എട്ടു ഫൗളുകള്‍ വഴങ്ങിയപ്പോള്‍ ബെംഗളൂരു 16 എണ്ണം വഴങ്ങി.
പ്രതികരിക്കാൻ ഇവിടെ എഴുതുക: