കൊച്ചി: ജന്മഭൂമി ഗ്രൂപ്പില്‍ നിന്നുള്ള പുതിയ പ്രസിദ്ധീകരണമായ ബിസിനസ് വോയ്‌സ് മാസികയുടെ മലയാളം വെബ്‌പോര്‍ട്ടലിന്റെ (thebusinessvoice.in) ഉദ്ഘാടനം കേന്ദ്ര വിദേശകാര്യ സഹമന്ത്രി വി മുരളീധരന്‍ നിര്‍വഹിച്ചു. എളമക്കരയില്‍ വെച്ച് നടന്ന ചടങ്ങില്‍ മാസികയുടെ ഉദ്ഘാടന പതിപ്പ് ജന്മഭൂമി മാനേജിങ് എഡിറ്റര്‍ കെ ആര്‍ ഉമാകാന്തനില്‍ നിന്ന് കേന്ദ്ര മന്ത്രി മുരളീധരന്‍ സ്വീകരിച്ചു.
സംരംഭകത്വ, സാമ്പത്തിക, വ്യാവസായിക വാര്‍ത്തകള്‍ വായനക്കാരിലേക്ക് അതിവേഗം, സമഗ്രതയോടെ എത്തിക്കുന്നതിനായി മലയാളം, ഇംഗ്ലീഷ് ഭാഷകളില്‍ ഡിജിറ്റല്‍ പ്ലാറ്റ്‌ഫോമുകളോടെയാണ് ബിസിനസ് വോയ്‌സ് മാസിക പ്രവര്‍ത്തനമാരംഭിച്ചിരിക്കുന്നത്.
ബിസിനസ് വോയ്‌സ് സിഇഒ മോഹനകുമാര്‍ ആര്‍, എഡിറ്റര്‍ ദിപിന്‍ ദാമോദരന്‍, സിഎംഒ രാജശ്രീ വര്‍മ, പ്രൊജക്റ്റ്‌സ് ആന്‍ഡ് അഡ്വര്‍ടൈസ്‌മെന്റ്‌സ് ഹെഡ് ഷൈജു തിലകന്‍, അസിസ്റ്റന്റ് എഡിറ്റര്‍ കെ എസ് ശ്രീകാന്ത് തുടങ്ങിയവര്‍ വെബ്‌സൈറ്റ് ഉദ്ഘാടന ചടങ്ങില്‍ പങ്കെടുത്തു
പ്രതികരിക്കാൻ ഇവിടെ എഴുതുക: