കൊച്ചി: തദ്ദേശ തെരഞ്ഞെടുപ്പില്‍ മത്സരിക്കാന്‍ സജിത്തിന് തന്റെ അംഗപരിമിതിയൊന്നും പ്രശ്‌നമല്ല. ഉദയംപേരൂര്‍ പഞ്ചായത്തിലെ എട്ടാം വാര്‍ഡില്‍ എന്‍ഡിഎ സ്ഥാനാര്‍ഥിയാണ് സജിത്ത്. 11-ാം വയസിലാണ് നടക്കാന്‍ തുടങ്ങിയത്. പിന്നീടങ്ങോട്ട് പ്രതിസന്ധികളെ തരണം ചെയ്ത് ജീവിതം കരയ്‌ക്കടുപ്പിക്കാനുള്ള ശ്രമമായിരുന്നു.
തുടര്‍ന്ന് ലോട്ടറി വില്‍പനയാരംഭിച്ചു. നാട്ടുകാരുടെ പ്രിയപ്പെട്ടവനും ബിജെപി പ്രവര്‍ത്തകനുമായ സജിത്തിനോട് തെരഞ്ഞെടുപ്പിന് മത്സരിക്കണമെന്നാവിശ്യപ്പെട്ടപ്പോള്‍ രണ്ടാമത് ആലോചിക്കേണ്ടി വന്നില്ല. ആളുകള്‍ക്കിടയില്‍ സജിത്തിനുള്ള സ്വീകാര്യത എതിരാളികളെ ഭയപ്പെടുത്തുന്നു. തെരഞ്ഞെടുപ്പ് അടുക്കുമ്പോള്‍ തികഞ്ഞ ആത്മവിശ്വാസത്തോടെയാണ് സജിത്ത്.
ലോകഭിന്നശേഷി ദിനമായ ഇന്നലെ ബിജെപി ജില്ലാ പ്രസിഡന്റ് എസ്. ജയകൃഷ്ണന്‍ സജിത്തിനെ സന്ദര്‍ശിച്ചു. ഗൃഹസമ്പര്‍ക്കത്തിലും പങ്കാളിയായി. ബിജെപി നേതാക്കളായ സുനില്‍ തീരഭൂമി, കെ. വിശ്വനാഥ്, ആര്‍. രാജേഷ് എന്നിവര്‍ സംബന്ധിച്ചു.
പ്രതികരിക്കാൻ ഇവിടെ എഴുതുക: