ചെറുതുരുത്തി: പാര്‍ട്ടിയില്‍ നിന്നും തനിക്ക് നേരിട്ട അവഗണനയിലും, ഒറ്റപ്പെടുത്തലിലും മനംനൊന്ത് സിപി എമ്മില്‍ നിന്നും രാജി വെയ്‌ക്കുകയാണെന്ന് വള്ളത്തോള്‍ നഗര്‍ ഗ്രാമ പഞ്ചായത്ത് പ്രസിഡന്റ് പി.പത്മജ. കഴിഞ്ഞ കുറച്ച് മാസങ്ങളായി പാര്‍ട്ടി പരിപാടികളിലും, ഔദ്യോഗിക ചടങ്ങുകളിലും പങ്കെടുപ്പിക്കാതെ തന്നെ മാറ്റി നിര്‍ത്തി സിപിഎം ഒറ്റപ്പെടുത്തി.
ഒരുപാട് വര്‍ഷക്കാലം പാര്‍ട്ടിക്കു വേണ്ടി സേവനം നടത്തിയ തനിക്ക് പാര്‍ട്ടിയില്‍ നിന്ന് തന്നെ നേരിട്ട അവഗണയില്‍ മനം മടുത്ത് ഇന്നലെയാണ് സിപിഎം എല്‍സി സെക്രട്ടറിക്ക് ഇവര്‍ രാജിക്കത്ത് നല്‍കിയത്.
സിപിഎമ്മില്‍ നിന്ന് രാജി വെച്ചെങ്കിലും പൊതു പ്രവര്‍ത്തന രംഗത്ത് തുടര്‍ന്നും ഉണ്ടാകും. മറ്റു കാര്യങ്ങള്‍ പിന്നിട് ആലോചിച്ച് പ്രവര്‍ത്തിക്കുമെന്നും അവര്‍ ജന്മഭൂമിയോട് പറഞ്ഞു. കഴിഞ്ഞ 30 വര്‍ഷത്തോളമായി തയ്യല്‍ തൊഴിലാളി കൂടിയാണ് പത്മജ. ഈ ജോലിക്കിടയിലാണ് പൊതു പ്രവര്‍ത്തനത്തിനായി അവര്‍ സമയം കണ്ടെത്തുന്നത്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: